ແນວຄິດດີ ! ເດັກນ້ອຍຈີນໃສ່ໝວກ ເວັ້ນໄລຍະຫ່າງສູ້ໂຄວິດ-19 ຕ້ອນຮັບເປີດໂຮງຮຽນ
April 28, 2020 - 2:17 PM
ສີສັນຊ່ວງເປີດໂຮງຮຽນໃໝ່ຂອງໂຮງຮຽນຢູ່ຈີນ ທີ່ເດັກນ້ອຍເລີ່ມທະຍອຍມາໂຮງຮຽນກັນແລ້ວ.
ນີ້ເປັນພາບເດັກນັກຮຽນຊັ້ນປະຖົມແຫ່ງໜຶ່ງໃນເມືອງຫາງໂຈ ມົນທົນເຈີ້ຈຽງ ຂອງຈີນ ນັ່ງຮຽນໜັງສືໃນຫ້ອງ ແລະ ເຮັດກິດຈະກຳຕ່າງໆ ໂດຍໃສ່ໝວກເວັ້ນໄລຍະຫ່າງ ປ້ອງກັນການແຜ່ເຊື້ອໂຄວິດ-19 ແບບຕ່າງໆ.
ແນວຄິດດັ່ງກ່າວ ຜູ້ປົກຄອງຂອງນ້ອງນັກຮຽນຊ່ວຍກັນຄິດ ແລະ ປະດິດ ເນື່ອງຈາກຄູໃຫ້ວຽກບ້ານ ໃຫ້ຜູ້ປົກຄອງ ແລະ ນັກຮຽນເຮັດໝວກປີກກວ້າງໆ ເພື່ອເຕືອນໃຫ້ເດັກນ້ອຍເວັ້ນໄລຍະຫ່າງກັບໝູ່ ປ້ອງກັນເຊື້ອໂຄວິດ-19 ຈຶ່ງໄດ້ອອກມາແບບນີ້.
