ໂຄວິດ-19 ແຈັກໝ່າ ກັບພາລະກິດສະກັດໄວຣັສໂຄໂຣນ່າ ແລະ ຟື້ນຟູຊື່ສຽງຈີນໃນເວທີໂລກ
ເປັນຜູ້ຊາຍທີ່ລວຍທີ່ສຸດ ໃນປະເທດຈີນ ໄດ້ເປີດບັນຊີທະວິດເຕີຂອງໂຕເອງໃນເດືອນທີ່ຜ່ານມາ ໃນຊ່ວງວິກິດໂຄວິດ-19 ແລະ ທຸກຂໍ້ຄວາມຂອງເຂົາລ້ວນມີເນື້ອຫາກ່ຽວກັບໂຄງການບໍລິຈາກອຸປະກອນການແພດໃຫ້ແກ່ປະເທດຕ່າງໆ ທົ່ວໂລກ.
(ໂລກໜ່ວຍດຽວກັນ ສູ້ໄປນຳກັນ) ແຈັກໝ່າ ເວົ້າຂໍ້ຄວາມທຳອິດທາງທະວິດເຕີຂອງລາວເອງ (ເຮົາສາມາດເຮັດສິ່ງນີ້ໄດ້ໄປນຳກັນ) ຂໍ້ຄວາມທີ່ມີເນື້ອໃນປຸກລະດົມໃຈຜູ້ອ່ານ.
ນັກທຸລະກິດເຈົ້າຂອງ ອາລີບາບາ ກຣຸບ ບໍລິສັດທີ່ໃຫຍ່ດ້ານ e-comers ທີ່ຜະລິດຜ້າອັດປາກ ແລະ ເຄື່ອງຊ່ວຍຫາຍໃຈ ໃຫ້ຫລາຍ 150 ປະເທດທີ່ກຳລັງພົບກັບຄວາມລຳບາກ ໃນພາວະທີ່ຫລາຍຊາດໃນໂລກກຳລັງຍາດແຍ່ງອຸປະກອນຊ່ວຍຊີວິດຜູ້ປ່ວຍໂຄວິດ-19.
ເຖິງຢ່າງໃດກໍຕາມ ບັນດານັກວິຈານ ຫລື ແຕ່ຜູ້ສະໜັບສະໜູນຂອງແຈັກໝ່າ ນັ້ນເອງກັບບໍ່ແນ່ໃຈວ່າລາວກຳລັງນຳພາໂຕເອງໄປສູ່ອັນໃດກັນແທ້ ແລະ ເກີດຄຳຖາມວ່າ ການເປັນນັກໃຈບຸນໃນຄັ້ງນີ້ຈະເປັນການເຜີຍໂສມໜ້າທີ່ແທ້ຈິງ ຂອງລາວ ໃນຖານະສະມາຊິກພັກຄອມມູນິດຈີນ ຫລື ລາວຈະເປັນພຽງນັກທຸລະກິດອິດສະລະ ຫລື ໃຊ້ພັກຄອມມູນິດເປັນເຄື່ອງມືໃນການໂຄສະນາຊວນເຊື່ອ.
ຜ່ານມາ ແຈັກ ຫມ່າ ປະຕິບັດຕາມກົດລະບຽບທາງການທູດຂອງຈີນ ເປັນຢ່າງດີ ໂດຍສະເພາະໃນການເລືອກວ່າ ຈະໃຫ້ຄວາມຊ່ວຍເຫລືອປະເທດໃດ ທີ່ມີອິດທິພົນທີ່ກຳລັງເພີ່ມຂຶ້ນຂອງມະຫາເສດຖີ ອາດເຮັດໃຫ້ລາວຕົກເປັນເປົ້າຂອງບັນດາຜູ້ນຳທາງການເມືອງຈີນ ທີ່ເຮັດໃຫ້ມີຄວາມຮູ້ສຶກບໍ່ມັກໃຈໃນການແຜ່ຂະຫຍາຍອິດທິພົນຂອງລາວເທົ່າໃດ.
ໃນວິກິດໂຣກລະບາດທີ່ເກີດຂຶ້ນ ມະຫາເສດຖີຫລາຍຄົນໄດ້ປະກາດບໍລິຈາກເງິນເພື່ອຕໍ່ສູ້ກັບເຊື້ອໄວຣັສຮ້າຍ ເຊັ່ນ: ແຈັກ ຄໍຊີ ຜູ້ຮ່ວມກໍ່ຕັ້ງ ແລະ ປະທານບໍລິຫານຂອງສະວິດເຕີ ທີ່ປະກາດຈະມອບເງິນ 1 ພັນລ້ານດອນລາສະຫະລດ ເປັນກອງທຶນຕໍ່ສູ້ກັບໂຣກໂຄວິດ-19.
ຂໍ້ມູນຈາກ ແຄນດິດ (candid) ອົງການກວດສອບການບໍລິຈາກເພື່ອການກຸສົນຂອງພາກເອກະຊົນ ໄດ້ຈັດໃຫ້ອາລີບາບາ ຢູ່ໃນອັນດັບທີ 12 ຂອງຜູ້ບໍລິຈາກເງິນເພື່ອຕໍ່ກັບວິກິດທີ່ໂລກກຳລັງພົບຢູ່ໃນຕອນນີ້.
ຢ່າງໃດກໍຕາມ ການຈັດອັນດັບດັ່ງກ່າວບໍ່ໄດ້ລວມຮອດການຈັດສົ່ງອຸປະກອນທາງການແພດທີ່ສຳຄັນ ເຊິ່ງຫລາຍປະເທດອາດຈະເບິ່ງວ່າ ມີຄວາມສຳຄັນຍິ່ງກວ່າເງິນຄຳໃນສະຖານະການທີ່ໂລກກຳລັງພົບຢູ່ໃນຕອນນີ້.
ເບິ່ງຄືວ່າຈະບໍ່ມີໃຜສາມາດຈັດສົ່ງອຸປະກອນການແພດທີ່ຈຳເປັນເຫລົ່ານີ້ໄປຫາຜູ້ທີ່ກຳລັງຕ້ອງການໄດ້ຫລາຍເທົ່າກັບ ແຈັກ ຫມ່າ ອີກແລ້ວ ໂດຍຕັ້ງແຕ່ເດືອນ ມີນາ ທີ່ຜ່ານມາ ມູນນິທິແຈ໊ກ ຫມ່າ ແລະ ມູນນິນິອາລີບາບາ ໄດ້ເລີ່ມການຈັດສົ່ງອຸປະກອນການແພດທີ່ສຳຄັນທາງອາກາດໄປໃຫ້ແຕ່ລະປະເທດຕ່າງໆ ໃນອາຟຣິກາ, ອາຊຽນ, ເອີຣົບ, ລາຕິນໍອາເມລິກາ ຫລື ປະເທດທີ່ມີປະເດັນອອນໄຫວທາງການເມືອງເຊັ່ນ: ອີຣານ, ອິດສະລະແອນ, ຣັດເຊຍ ແລະ ສະຫະລັດ.
ນອກຈາກນີ້ ແຈັກຫມ່າ ຍັງບໍລິຈາກເງິນຫລາຍລ້ານໂດລາ ເພື່ອໃຊ້ໃນໂຄງການວິໄຈວັກຊິນປ້ອງກັນໂຣກໂຄວິດ-19 ແຕ່ສິ່ງທີ່ກາຍເປັນຂ່າວດັງ ແລະ ເຮັດໃຫ້ລາວຕ່າງຈາກມະຫາເສດຖີໃຈບຸນຄົນອື່ນໆ ກໍຄື ການຈັດສົ່ງຜະລິດຕະພັນການແພດດັ່ງກ່າວ.
ເຂົາມີສັກກະຍະພາບດ້ານເງິນຄຳ ແລະ ຄວາມສາມາດໃນການນຳເຮືອບິນຂົນສົ່ງຜະລິດຕະພັນການແພດ ຈາກເມືອງຫາງໂຈວ ໄປຫານະຄອນຫລວງແອດດິສອາບາບາ ຂອງເອຣິໂອເປຍ ຫລື ທີ່ອື່ນໆ ທີ່ຈຳເປັນ ດັນແຄນ ຄລາກ ຜູ້ຂຽນຫນັງສື ອັດຕະຊີວະປະຫວັດຂອງແຈັກຫມ່າ ກ່າວ (ນີ້ຄືລະບົບການຂົນສົ່ງສິນຄ້າ ນີ້ຄືການຂົນສົ່ງສິນຄ້າ ນີ້ຄືສິ່ງທີ່ ບໍລິສັດ ພະນັກງານ ແລະ ບ້ານເກີດຂອງເຂົາມີຄວາມຊ່ຽວຊານ).
ພາຍຫລັງລາຈາກຕຳແໜ່ງປະທານ ບໍລິສັດ ອາລີບາບາ ກຣຸບ ເມື່ອປີ 2018 ແຈັກຫມ່າ ບອກວ່າເຂົາຈະມຸ່ງເຮັດງານດ້ານການກຸສົນ ແຕ່ຍັງຄົງມີຕຳແໜ່ງຖາວອນໃນຄະນະກຳມະການບໍລິຫານຂອງບໍລິສັດຕໍ່ໄປ ເຊິ່ງຊື່ສຽງ ແລະ ຄວາມຮ່ຳລວຍນີ້ເອງ ເຮັດໃຫ້ເຂົາຄືຫນຶ່ງໃນບຸກຄົນທີ່ມີອິດທິພົນຫລາຍທີ່ສຸດໃນຈີນ.
ຫລາຍຄົນຊີ້ວ່າພາລະກິດດ້ານການກຸສົນຂອງ ແຈັກໝ່າ ຄັ້ງນີ້ເປັນໄປຕາມແນວນະໂຍບາຍຂອງພັກຄອມມູນິດຢ່າງຊັດເຈນ ໂດຍບໍ່ມີການຍົກຄວາມຊ່ວຍເຫລືອໃຫ້ແກ່ບັນດາຊາດທີ່ມີຄວາມສຳພັນທາງການທູດຢ່າງເປັນທາງການກັບຄູ່ປໍລະປັກຢ່າງໄຕ້ຫວັນ.
ກໍລະນີດັ່ງກ່າວເຫັນໄດ້ຊັດເຈນຕອນທີ່ເຂົາປະກາດທາງທະວິດເຕີເຖິງແຜນການບໍລິຈາກຜະລິດຕະພັນໃຫ້ແກ່ 22 ປະເທດໃນພື້ນອາເມລິກາ ເຊິ່ງໃນລາຍຊື່ປະເທດເຫລົ່ານີ້ບໍ່ມີ ຮອນດູຣັສ ແລະ ເຮຕິ ຊາດພັນທະມິດຂອງໄຕ້ຫວັນລວມຢູ່ນຳ ແລະ ມູນນິທິຂອງເຂົາໄດ້ປະຕິເສດທີ່ຈະເປີດເຜີຍລາຍລະອຽດຂອງປະເທດທີ່ໄດ້ຮັບບໍລິຈາກ ໂດຍຊີ້ແຈງວ່າ ຄະນະນີ້ ເຮົາຍັງບໍ່ແບ່ງປັນຂໍ້ມູນໃນລະດັບນັ້ນ.
ຢ່າງໃດກໍຕາມ ຖານະກິດຈະການບໍລິຈາກດັ່ງກ່າວໄດ້ສ້າງຄວາມຮູ້ສຶກເປັນມິດ ແລະ ຊາບຊິ້ງໃຈໃຫ້ແກ່ປະເທດ ທີ່ໄດ້ຮັບຄວາມຊ່ວຍເຫລືອຈາກຈີນເປັນຢ່າງຫລາຍ ຄວາມສຳເລັດນີ້ເຮັດໃຫ້ແຈັກໝ່າ ໄດ້ຮັບຄວາມສົນໃຈໃນ ດ້ານບວກເປັນພິເສດ ເຖິງແມ່ນວ່າສື່ຂອງທາງການຈີນຍັງລົງຂ່າວເຖິງເຂົາຕະຫລອດພໍໆ ກັບປະທານາທິບໍດີ ສີ ຈິ້ນຜິງ ຜູ້ນຳປະເທດ.
ນີ້ຈິ່ງຖືກເບິ່ງວ່າເປັນການປຽບທຽບທີ່ອຶດອັດໃຈ ເພາະຍິ່ງ ແຈັກຫມ່າ ໄດ້ຮັບສ່ຽງຊື່ນຊົມຫລາຍເທົ່າໃດ ກໍຍິ່ງເຮັດໃຫ້ ທ່ານ ສີ ຈິ້ນຜິງຕ້ອງຜະເຊີນກັບຄຳຖາມເລື່ອງການຮັບມືການແຜ່ລະບາດຂອງໂຣກ ໃນຊ່ວງທຳອິດໆ ລວມທັງຕົ້ນຕໍການເກີດໂຣກຫລາຍຂຶ້ນເທົ່ານັ້ນ.
ຄະນະດຽວກັນ ເຖິງວ່າລັດຖະບານຈີນ ຈະດຳເນີນໂຄງການບໍລິຈາກດ້ານຜະລິດຕະພັນການແພດໃຫ້ປະເທດທີ່ຜະເຊີນໂຣກລະບາດຢ່າງໜັກ ໂດຍສະເພາະໃນເອີຣົບ ແລະ ຮັບສຽງຊື່ນຊົມຈາກນານາຊາດຫລາຍ ຈາກຂໍ້ຄວາມກ່າວຫາວ່າຈີນຈັດສົ່ງຜະລິດຕະພັນການແພດດ້ອຍຄຸນນະພາບໄປໃຫ້ຫລາຍປະເທດ ເຊິ່ງຕ່າງຈາກສິ່ງຂອງ ບໍລິຈາກຂອງ ແຈັກໝ່າ ທີ່ແຮງສ້າງຊື່ສຽງ ແລະ ພາບລັກສະນະທີ່ດີໃຫ້ແກ່ເຂົາ.
ເອຣິດ ໂອແລນເດີ ບັນດາທິການຝ່າຍຈັດການຂອງເວບໄຊ ໄຊນ່າ ອາຟຣິກາ ໂປຣເຈັກ ສະແດງຄວາມເຫັນຕໍ່ເລື່ອງນີ້ວ່າ (ມັນເປັນເລື່ອງສົມເຫດສົມຜົນທີ່ຈະເວົ້າວ່າການບໍລິຈາກຂອງແຈັກໝ່າ ໄດ້ຮັບສ່ຽງຊື່ນຊົມ ໄປທົ່ວທັ້ງທະວີບ ອາຟຣິກາ).ຢູ່ໃນເທິງເສັ້ນດ້າຍ ແຕ່ສິ່ງທີ່ແຈັກໝ່າ ກຳລັງເຮັດຢູ່ນີ້ຈະສ່ຽງສ້າງຄວາມບໍ່ພໍໃຈໃຫ້ແກ່ລັດຖະບານຈີນ ຫລື ບໍ່?
ເປັນທີ່ຮູ້ຈັກກັນດີວ່າ ປະທານາທິບໍດີ ສີ ຈິ້ນຜິງ ບໍ່ແມ່ນບຸກຄົນທີ່ມັກແບ່ງປັນຊື່ສຽງ ແລະ ຄວາມສົນໃຈໃນລັດຖະບານຂອງເຂົາກັບຄົນດັງຄົນໃດ.
ໃນໄລຍະບໍ່ຈັກມື້ທີ່ຜ່ານມາ ບຸກຄົນມີຊື່ສຽງ ເຊັ່ນ: ນັກສະແດງຍິງແຖວໜ້າຂອງຈີນ ຜູ້ປະກາດຂ່າວ ຫລື ແຕ່ມະຫາເສດຖີບາງຄົນໄດ້ (ຫາຍໂຕ) ໄປເປັນເວລາດົນໆ ກ່ອນທີ່ຈະມີຂ່າວວ່າພວກເຂົາຫາຍໄປຮັບໂທດຈຳຄຸກ ຈາກນັ້ນຈິ່ງກັບມາປະກົດໂຕອີກຄັ້ງພ້ອມກັບປ່າວປະກາດສະແດງຄວາມຈົ່ງຮັກພັກດີຕໍ່ພັກຄອມມູນິດ.
ແອລີ ເຟິງ ນັກວິໄຈດ້ານຄວາມໝັ້ນຄົງຂອງສະຫະລັດ ໃນນະຄອນຫລວງວໍຊີຕັນ ດີຊີລະບຸວ່າ (ມີຂ່າວລືວ່າ ແຈັກໝ່າ ກ້າວລົງຈາກຕຳແໜ່ງປະທານບໍລິສັດ ອາລີບາບາ ກຣຸບ ເມື່ອປີ 2018 ເພາະເຂົາຖືກເບິ່ງວ່າເປັນນັກທຸລະກິດຊາວຈີນແຜ່ນດິນໃຫຍ່ທີ່ມີກະແສຄວາມນິຍົມໄດ້ເຂົ້າປົກຄຸມການປະກາຍຂອງພັກຄອມມູນິດ
ອັນທີ່ຈິ່ງ ແຈັກໝ່າ ສ້າງຄວາມປະຫລາດໃຈໃຫ້ຫລາຍຄົນຕອນທີ່ປະກາດຂ່າວການອອກຈາກຕຳແໜ່ງປະທານບໍລິສັດ ຄະນະດຽວກັນລາວກໍປະຕິເຫດຂ່າວລືວ່າລັດຖະບານບັງຄັບໃຫ້ລາວລາອອກຈາກອຳນາດ.
ດັນແຄນ ຄລາກ ໃຫ້ຮູ້ວ່າ: ມີກະແສຂ່າວໄລຍະນັ້ນວ່າ ແຈັກຫໝ່າ ອາດອອກໂຕໄວເກີນໄປ… ຈຶ່ງຄິດວ່າເຫດການນີ້ໄດ້ສອນໃຫ້ຮູ້ວ່າ ທັງສອງຝ່າຍຈະຕ້ອງປະສານງານກັນໃຫ້ຫລາຍຂຶ້ນ.
(ແຈັກໝ່າ ເປັນຕົວແທນຂອງອຳນາດທຸລະກິດ) ຄລາກ ກລ່າວ ແຕ່ນີ້ໄດ້ກໍ່ໃຫ້ເກີດບັນຫາ ເພາະລັດຖະບານຈີນ ຂ້ອນຂ້າງລະແວງ ແລະ ສ້າງຄວາມສົງໄສຕໍ່ຜູ້ບໍ່ແມ່ນສະມາຊິກພັກຄອມມູນິດທີ່ມີບົດບາດແບບນັ້ນ.
ຄວາມຈິງ ແຈັກໝ່າ ກໍບໍ່ໃຊ້ຄົນທາງນອກພັກຄອມມູນິດເສຍເທື່ອດຽວເພາະລາວເປັນສະມາຊິກພັກຄອມມູນນິດມາຕັ້ງແຕ່ສະໄໝນັກສຶກສາມະຫາວິທະຍາໄລໄລຍະ ປີ 1980.
ແຕ່ມັນກໍບໍ່ແມ່ນຄວາມສຳພັນທີ່ແຫນ້ນແຟ້ນເທົ່າໃດ ຈະພິຈາລະນາໄດ້ຈາກວ່າທາເດັດຂອງລາວ ທີ່ວ່າ ທັດສະນະຄະຕິ ຂອງອາລີບາບາ ທີ່ມີຕໍ່ພັກຄອມມູນນິດ ຄື ຈົ່ງຮັກລັດຖະບານ ແຕ່ຈົ່ງຢ່າແຕ່ງງານນຳ.
ເຖິງວ່າມູນນິນິຂອງແຈັກຫມ່າ ຈະຕັດສິນໃຈໃຫ້ການດຳເນີນກິດຈະກຳຕ່າງໆ ໂດຍບໍ່ຕ້ອງຂໍຄວາມເຫັນມັກຈາກລັດຖະບານຈີນ ແຕ່ທີ່ຜ່ານມາລັດຖະບານຈີນພະຍາຍາມເຮັດທຸກຢ່າງເພື່ອຕັກຕວງປະໂຫຍກຈາກຄວາມບຸນຂອງລາວ.
ພາບບັນດາທູດຈີນທີ່ມັກຈະເຂົ້າໄປ (ມີສ່ວນຮ່ວມ) ໃນພິທີສົ່ງມອບຜະລິດຕະພັນທີ່ແຈັກໝ່າ ບໍລິຈາກໃຫ້ແກ່ປະເທດຕ່າງໆ ນັ້ນ ກໍມີໃຫ້ເຫັນຕະຫລອດ.
ນອກຈາກນີ້ຈີນຍັງໃຊ້ການບໍລິຈາກຂອງມະຫາເສດຖີຜູ້ນີ້ໃນການວິພາກວິຈານສະຫະລັດ ຈາກກໍລະນີ ກະຊວງການຕ່າງປະເທດສະຫະລັດ ຊື່ນຊົມໄຕ້ຫວັນວ່າ ເປັນມິດຕະພາບແທ້ ທີ່ບໍລິຈາກຜ້າອັດປາກອະນາໄມໃຫ້ 2 ລ້ານອັນ.
ໃນຕົ້ນເດືອນ ເມສາ ກະຊວງການຕ່າງປະເທດຈີນ ໄດ້ທະວິດຂໍ້ຄວາມຕອບໂຕ້ວ່າ (ສົງໄສວ່າ ກະຊວງການຕ່າງປະເທດສະຫະລັດ ໄດ້ກ່າວຫາການບໍລິຈາກຂອງແຈັກຫມ່າ ທີມອບຜ້າອັດປາກ 1 ລ້ານອັນ ຊຸດກວດຫາເຊື້ອ 5 ແສນອັນ ລວມທັງຄວາມຊ່ວຍເຫລືອຈາກບໍລິສັດ ແລະ ມົນທົນຕ່າງໆ ຂອງຈີນແລ້ວຫລືບໍ່? ).
ຫລາຍຝ່າຍເບິ່ງວ່າ ບາງທີລັດຖະບານຈີນອາດຕ້ອງການໄດ້ປະຊາຊົນຈີນ ຜູ້ເປັນທີ່ມັກໄປທົ່ວໂລກເຊັ່ນ: ແຈັກໝ່າ
ເອຣິດ ໂອແລນເດີ ເວົ້າວ່າ ສາເຫດທີ່ມະຊາວຈີນຜູ້ນີ້ເປັນຄົນທີ່ມີຄົນມັກໃນແອຟຣິກາເພາະລາວໃຫ້ຄວາມຊ່ວຍເຫລືອຕາມທີ່ໄດ້ຮັບປາກໄວ້ແທ້ໆ ເຊິ່ງຕ່າງຈາກຜູ້ບໍລິຈາກຕ່າງປະເທດຄົນອື່ນ ທີ່ໃຫ້ຄຳໝັ້ນສັນຍາຫລາຍແຕ່ເຮັດບໍ່ໄດ້ແທ້.
ດັນແຄນ ຄລາກ ບອກວ່າ ແຈັກຫມ່າ ມີຄວາມສຳຄັນຕໍ່ຈີນຢູ່ກ່ອນແລ້ວ ຈາກຄວາມຍິ່ງໃຫຍ່ທາງເສດຖະກິດຂອງອາລີບາບາ ຄະນະດຽວກັນ ຄວາມສະໜິດສະໜົມກັບບັນດາຜູ້ນຳໂລກຂອງລາວເຮັດໃຫ້ຊາຍຜູ້ນີ້ມີຄຸນຄ່າຕໍ່ລັດບາລຈີນ ເຊິ່ງກຳລັງພະຍາຍາມກອບກູ້ພາບລັກທີ່ເສຍຫາຍຂອງຕົນ.
ຂອງແທ້ບໍ່ຕ້ອງສົງໄສວ່າ ພາບລັກໂດຍລວມຂອງຈີນຈະໄດ້ປະໂຫຍດຈາກງານການກຸສົນຂອງ ແຈັກຫມ່າ ແລະ ບັນດານັກທຸລະກິດຜູ້ໝັ້ນຄົງຂອງປະເທດ.
ແອດຣູ ກຣາບົວ ຈາກແຄນດິດ ບອກວ່າ ການບໍລິຈາກຂອງາກເອກກະຊົນຈີນເປັນສິ່ງທີ່ບໍ່ອາດເບິ່ງຂ້າມໄດ້.
ຢູ່ໃນພາບພົດຂອງແກນນຳ ເຊິ່ງເປັນສິ່ງທີ່ສະຫະລັດ ເຄຍເຮັດມາໃນອະດີດເຊັ່ນ: ການຮັບມືກັບວິກິດ ອີໂບລາລະບາດ ໃນປີ 2014 ເຊິ່ງຕອນນັ້ນສະຫະລັດ ໄດ້ສົ່ງທີມແພດ ແລະ ທຸກຢ່າງໄປຍັງທະວີບ ເອຟຣິກາຕະເວັນຕົກ ເພື່ອຊ່ວຍສະກັດກັ້ນການແຜ່ລະບາດຂອງໂຣກ.
ຕອນນີ້ ບັນດາຜູ້ບໍລິຈາກຊາວຈີນກຳລັງຮັບບົດບາດດັ່ງກ່າວໃນການຕໍ່ສູ້ກັບການລະບາດຂອງເຊື້ອໄວຣັສໂຄໂຣນາສາຍພັນໃໝ່.
ພວກເຂົາສະແດງເຖິງອຳນາດອ່ອນທີ່ແຜ່ຂະຫຍາຍຂ້າມພົມແດນ ເຂົ້າໄປໃນພື້ນທີ່ຕ່າງໆ ສົ່ງມອບຄວາມຊ່ວຍເຫລືອດ້ານການເງິນ ແລະ ຄວາມຮູ້ ກຣາບົວ.
ດັ່ງນັ້ນ ຈິ່ງບໍ່ແມ່ນເວລາທີ່ລັດຖະບານຈີນຈະເຂົ້າໄປຂັດຂວາງແຈັກໝ່າ
“ມັນຄືວິດກິດໃຫຍ່ຂອງໂລກໃນຄະນະນີ້“ ດັນແຄນ ຄລາກ ກລ່າວ ແຕ່ກໍຈະແຈ້ງວ່າ ນີ້ຄືວິກິດດ້ານຄວາມສຳພັນລະຫວ່າງຈີນກັບຄົນທັງໂລກນຳ ດັ່ງນັ້ນລັດຖະບານຈີນຈິ່ງຕ້ອງການຄົນທີ່ຈະມາຊ່ວຍບັນເທົາແຮງກົດດັນນີ້.
