ການສອບເສັງຈົບຊັ້ນມັດທະຍົມຕົ້ນໄດ້ເລີ່ມຂຶ້ນມື້ນີ້

ບັ້ນສອບເສັງຈົບຊັ້ນມັດທະຍົມຕົ້ນ ມ4 ເລີ່ມຂຶ້ນແລ້ວມື້ນີ້ພ້ອມກັນໃນທົ່ວປະເທດໂດຍຈະດຳເນີນໄປຮອດວັນທີ 15 ມິຖຸນາ ແລະ ການສອບເສັງຈົບຊັ້ນມັດທະຍົມປາຍ ມ7 ຈະມີຂຶ້ນໃນລະຫວ່າງວັນທີ 20-21 ມິຖຸນາ.

ສະເພາະຢູ່ນະຄອນຫລວງວຽງຈັນ, ໄດ້ຈັດພິທີເປີດບັ້ນສອບເສັງດັ່ງກ່າວຂຶ້ນໃນວັນທີ 10 ມິ ຖຸນານີ້, ໂດຍມີທ່ານ ນາງ ແສງ ເດືອນ ຫລ້າຈັນທະບູນ ລັດຖະ ມົນຕີກະຊວງສຶກສາທິການ ແລະ ກິລາ, ທ່ານ ສີຫຸນ ສິດທິລືໄຊ ຮອງເຈົ້າຄອງນະຄອນຫລວງ ວຽງຈັນ, ພ້ອມດ້ວຍຄູ-ອາຈານ  ແລະ ນ້ອງນັກຮຽນເຂົ້າຮ່ວມເປັນຈຳນວນຫລາຍ.

+ ສົກປີນີ້ກະຊວງສຶກສາຈະເອົາຈິງຕໍ່ຜູ້ລັກລອບສົ່ງຂໍ້ສອບອອກສູ່ພາຍນອກກ່ອນມື້ສອບເສັງ

+ ຍີ່ປຸ່ນມອບທຶນຊ່ວຍເຫລືອຍົກລະດັບໂຮງຮຽນມັດທະຍົມຕົ້ນປາງທອງນາໝໍເປັນມັດທະຍົມສົມບູນ

      ໃນໂອກາດດັ່ງກ່າວ ທ່ານ ຊົມພູ ແກ້ວປັນຍາ ຫົວໜ້າພະແນກສຶກສາທິການ ແລະ ກິລາ ໃຫ້ຮູ້ວ່າ: ທົ່ວນະຄອນຫລວງ ວຽງຈັນ ມີຈຳນວນໂຮງຮຽນ ມັດທະຍົມທັງໝົດ 160 ແຫ່ງ, ໃນນັ້ນມີໂຮງຮຽນເອກະຊົນ 58 ແຫ່ງ, ໂຮງຮຽນຊັ້ນ ມ4 ມີ 144   ແຫ່ງ ແລະ ຊັ້ນ ມ7 ມີ 85 ແຫ່ງ ໃນການສອບເສັງຈົບຊັ້ນດ່ັງກ່າວ ສະເພາະຢູ່ນະຄອນຫລວງວຽງຈັນຊັ້ນມັດທະຍົມ ຕົ້ນຈັດເປັນ 28  ສູນສອບເສັງ ມີຈຳນວນນັກ ສອບເສັງທັງໝົດ 11.404 ຄົນ,  ຍິງ 5.599 ຄົນ, ຈັດເປັນ 572   ຫ້ອງສອບເສັງ, ສ່ວນຊັ້ນ ມ7   ຈັດເປັນ 22 ສູນສອບເສັງມີຈຳນວນ ນັກສອງເສັງທັງໝົດ 10.056 ຄົນ, ຍິງ 5.045 ຄົນ,   ຈັດເປັນ 499 ຫ້ອງສອບເສັງ.

ສຳລັບຊັ້ນ ມ4 ຈະສອບ ເສັງ 6 ວິຊາຄື: ວິຊາຄະນິດສາດ,  ພາສາລາວ-ວັນນະຄະດີ, ວິທະຍາສາດທຳມະຊາດ, ວິທະຍາ ສາດສັງຄົມ, ສຶກສາພົນລະເມືອງ  ແລະ ພາສາອັງກິດສ່ວນ ມ7 ມີ 4 ວິຊາຄື: ວິຊາຄະນິດສາດ, ພາສາລາວ-ວັນນະຄະດີ, ວິຊາ ເລືອກທຳມະຊາດ 1 ວິຊາ ແລະ  ວິຊາເລືອກສັງຄົມ 1 ວິຊາ.