ເນເທີແລນ-ຝຣັ່ງລຸດມາດຕະການ Lockdown ໃຫ້ນັກຮຽນປະຖົມ-ມັດທະຍົມເລີ່ມໄປໂຮງຮຽນໄດ້
ຫລາຍປະເທດໃນເອີຣົບ ກຳລັງຜ່ອນມາດຕະການເຂັ້ມງວດທັງຫລາຍທີ່ເຄຍນຳມາໃຊ້ໄລຍະທີ່ໂຄວິດ-19 ລະບາດຫນັກໃນໄລຍະນີ້ຝຣັ່ງມີຜູ້ຕິດເຊື້ອລວມ 159.828 ຄົນ ເສຍຊີວິດ 22.245 ຄົນ ຮັກສາດີ 43.493 ຄົນ ເນເທີແລນມີຄົນຕິດເຊື້ອລວມ 35.921 ຄົນ ເສຍຊີວິດ 4.192 ຄົນ ຮັກສາດີ 101 ຄົນ.
ປະເທດຝຣັ່ງ, ເນເທີແລນ ເລີ່ມປະກາດໃຫ້ໂຮງຮຽນລະດັບປະຖົມໃຫ້ມີການຮຽນ, ການສອນ ໃນເດືອນພຶດສະພາ ໃນລະຫວ່າງແອັດສະປາຍຍັງມີຜູ້ຕິດເຊື້ອລວມ 219.764 ຄົນ, ເສຍຊີວິດ 22.524 ຄົນ, ຮັກສາດີ 92.355 ຄົນ.
ຕຽມໃຫ້ເດັກນ້ອຍອາຍຸຕ່ຳກ່ອນ 14 ປີ, ສາມາດອອກມາໃຊ້ຊີວິດນອກເຮືອນໄດ້ເລີ່ມຕັ້ງແຕ່ອາທິດຫນ້າຕໍ່ໄປ.
ໃນປະເທດຝຣັ່ງ Jean-Michel Blanquer ລັດຖະມົນຕີກະຊວງສຶກສາ ໄດ້ໃຫ້ຮູ້ວ່າ: ຈະໃຫ້ນັກຮຽນແຕ່ລະຊັ້ນມີນັກຮຽນປະມານ 15 ຄົນຕໍ່ຫ້ອງຮຽນ ຂອງແຕ່ລະຊັ້ນ. ນັກຮຽນລຸ້ນປະຖົມທີ່ມີອາຍຸຕັ້ງແຕ່ 5 ປີ ຫາ 11 ປີ ອາດຈະເປັນກຸ່ມທຳອິດທີ່ໄດ້ໄປໂຮງຮຽນໃນວັນທີ 12 ພຶດສະພານີ້. ເຊິ່ງເປັນ 1 ວັນຫລັງສິ້ນສຸດປະເທດ lockdown ທົ່ວປະເທດ.
ຈາກນັ້ນ ອາທິດຕໍ່ໄປຈະໃຫ້ເດັກໃນລຸ້ນມັດທະຍົມເຂົ້າຮຽນໃນວັນທີ 25 ພຶດສະພາ ໂດຍ Blanquer ຕັ້ງເປົ້າໃຫ້ເດັກນ້ອຍລຸ້ນປະຖົມຢູ່ຮ່ວມກັນເປັນກຸ່ມນ້ອຍໆ ຫລື ຫນ້ອຍກວ່າ 10 ຄົນ, ແນ່ນອນວ່າເປັນຄວາມທ້າທາຍໃຫມ່ໃນດ້ານການຈັດການຂອງໂຮງຮຽນລັດ ເພາະປົກກະຕິເດັກນ້ອຍນັກຮຽນຈະຢູ່ໃນຫ້ອງລວມກັນປະມານ 30 ຄົນ.
ປະເທດເນເທີແລນ ນາຍົກລັດຖະມົນຕີ Mark Rutte ປະກາດໃຫ້ຮູ້ວ່າ: ໂຮງຮຽນລະດັບປະຖົມຈະກັບມາເປີດໃຫ້ມີການຮຽນການສອນອີກຄັ້ງໃນວັນທີ 11.
ພຶດສະພານີ້ ໂດຍລະບຸວ່າ ສະຖາບັນໃນການຄວບຄຸມໂຣກພົບວ່າຄວາມສ່ຽງຈາກການຕິດເຊື້ອໃນໂຮງຮຽນຢູ່ໃນລະດັບທີ່ສາມາດຈັດການໄດ້ ມີລາຍງານຄົນປ່ວຍທີ່ຕິດເຊື້ອໂຄວິດ-19 ໃຫ້ຮູ້ວ່າ: ຄົນທີ່ມີອາຍຸ ຕ່ຳກວ່າ 20 ລົງມາມີ ໂອກາດຕິດເຊື້ອຫນ້ອຍ ປະມານ 1% , ເຊິ່ງກຸ່ມຄົນທີ່ມີອາຍຸລະຫວ່າງ 20ຂຶ້ນໄປໃນໄລຍະນີ້ມີຢູ່ປະມານ 22% ຈາກຈຳນວນປະຊາກອນທັງຫມົດ.
Rutte ບອກໃຫ້ຮູ້ວ່າ: ມີການແບ່ງກັນຮຽນເປັນ 2 ກຸ່ມເຊັ່ນ: ມື້ທຳອິດເປັນນັກຮຽນກຸ່ມທຳອິດ ມື້ຕໍ່ໄປເປັນນັກຮຽນອີກກຸ່ມຫນຶ່ງ ນັກຮຽນລະດັບມັດທະຍົມ ຈະໃຫ້ມາຮຽນໃນເດືອນຕໍ່ໄປ ທຸກລະດັບຊັ້ນຮຽນຈະເລີ່ມເປີດຮຽນທັງຫມົດໃນວັນທີ 25 ພຶດສະພານີ້.
ດັ່ງນີ້ ການໃຫ້ໂຮງຮຽນກັບມາຮຽນອີກຄັ້ງຂອງເນເທີແລນ ກຳລັງເປັນໂມເດລ ໃຫ້ກັບຫລາຍປະເທດໃນເອີຣົບ ມີການລຸດມາດຕະການ lockdown ແລະ ເປີດໃຫ້ນັກຮຽນມາຮຽນຕາມປົກກະຕິ ບໍ່ວ່າຈະເປັນ ອີຕາລີ, ແອດສະປາຍ, ອັງກິດ ທີ່ມີຄົນຕິດເຊື້ອສູງທັງຫມົດ. ວັນອັງຄານທີ່ຜ່ານມາ ລັດຖະບານແອດສະປາຍ ຫາກໍຈະປະກາດໃຫ້ເດັກນ້ອຍອາຍຸຕ່ຳກ່ອນ 14 ປີ ສາມາດອອກຈາກບ້ານໄດ້ຖ້າມີພໍ່ແມ່ໄປນຳໃນວັນທີ 27 ເມສາ ແຕ່ຍັງໃຫ້ຫລິ້ນໃນສວນສາລະນະສາມາດໄປຊຸບເຊີມາເກັດ, ຮ້ານຂາຍຢາ ຫລື ທະນາຄານໄດ້.
ສິ່ງທີ່ເອີຣົບເຝົ້າລະວັງຢູ່ຕອນນີ້ ຄືການກັບມາລະບາດໃຫມ່ຂອງໄວຣັສ. ແຕ່ອອດສະເຕເລຍ ໃຫ້ຮ້ານອາຫານ, ກາເຟ, ກັບມາເປີດໃຫມ່ອີກຄັ້ງ 15 ພຶດສະພາ. ສ່ວນເຢຍລະມັນ ໃຫ້ຮ້ານຫນັງສື, ຮ້ານຄ້າຂະຫນາດນ້ອຍເລີ່ມເປີດໄປແດ່ແລ້ວ ສ່ວນອີຕາລີ ເລີ່ມລຸດມາດຕະການ lockdown ເຊັ່ນຈາກຍອດຄົນຕິດເຊື້ອມີຈຳນວນລຸດລົງ.
