ເດັກນ້ອຍຄວນນອນເທົ່າໃດຈຶ່ງຈະພຽງພໍ ?

ການນອນຫລັບມີຄວາມສຳຄັນຕໍ່ການຈະເລີນເຕີບໃຫຍ່, ການພັດທະນາສະໝອງ ແລະ ສຸຂະພາບຂອງເດັກນ້ອຍ ໂດຍເວລານອນເຮັດໃຫ້ຮ່າງກາຍຫລັ່ງຮໍໂມນການຈະເລີນເຕີບໃຫຍ່ (growth hormone) ຫລາຍຂຶ້ນ ສົ່ງຜົນກະຕຸ້ນການຈະເລີນເຕີບໃຫຍ່ ແລະ ຄວບຄຸມອັດຕາສ່ວນຂອງໄຂມັນໃນກ້າມຊີ້ນ.

ໂດຍຫາກເດັກນ້ອຍນອນບໍ່ພຽງພໍ ອາດສົ່ງຜົນກະທົບຕໍ່ພັດທະນາການ ດັ່ງນີ້ :

1. ຈະເກີດບັນຫາການຈະເລີນເຕີບໃຫຍ່ບໍ່ດີ.
2. ການຮຽນຮູ້ຊ້າລົງ.
3. ຄວາມຈື່ຈຳຫລຸດລົງ.
4. ການສ້າງພູມຕ້ານທານພະຍາດຫລຸດລົງ ເຮັດໃຫ້ຕິດເຊື້ອງ່າຍ.

ດັ່ງນັ້ນ, ຈຶ່ງຕ້ອງສົ່ງເສີມໃຫ້ເດັກນ້ອຍນອນຫລັບພັກຜ່ອນຢ່າງພຽງພໍ ຢ່າງໜ້ອຍມື້ລະ 8 – 10 ຊົ່ວໂມງ.