ແຂວງບໍ່ແກ້ວໄຂກອງປະຊຸມເປີດກວ້າງຄົບຄະນະບໍລິຫານງານພັກຄັ້ງທີ 5
ກອງປະຊຸມເປີດກວ້າງ ຂອງຄະນະບໍລິຫານງານພັກ ແຂວງບໍ່ແກ້ວຄັ້ງທີ 5 ສະໄໝທີ V ໄດ້ຈັດຂຶ້ນໃນວັນທີ 8-9 ມິຖຸນາ 2017 ເພື່ອເປັນການຕີລາຄາຄືນໃນການເຄື່ອນໄຫວຈັດຕັ້ງ ຈັດປະຕິບັດການຊີ້ນຳ-ນຳພາ ປະຈຳ 6 ເດືອນຕົ້ນປີ ແລະ ວາງ ທິດທາງແຜນການ 6 ເດືອນ ທ້າຍປີ, ພ້ອມທັງຄາດຄະເນ ແຜນການປະຈຳປີ 2018. ໂດຍການເປັນປະທານຂອງ ທ່ານ ຄຳພັນ ເຜີຍຍະວົງ ກຳມະການສູນກາງພັກ, ເລຂາຄະນະບໍລິ ຫານງານພັກແຂວງ, ເຈົ້າແຂວງໆບໍ່ແກ້ວ.
+ ກອງທຶນຊ່ວຍເຫລືອດ້ານອາຫານຂອງເອທິໂອປີກຳລັງຈະໝົດ
+ ກອງປະຊຸມສາກົນຄັ້ງທີ 23 ທີ່ຍີ່ປຸ່ນ ຮຽກຮ້ອງໃຫ້ຫັນເອົາໂລກາພິວັດສູ່ຜົນປະໂຫຍດໂດຍກົງ
ຄະນະປະຈຳພັກແຂວງໃຫ້ ຮູ້ວ່າ: ໃນໄລຍະ 6 ເດືອນຜ່ານ ມາເສດຖະກິດຂອງແຂວງຂະ ຫຍາຍຕົວໃນລະດັບ 7,3%, GDP ບັນລຸໄດ້ 2.486 ຕື້ກວ່າ ກີບ. ແລະ ໄດ້ຮັບອານຸມັດການ ລົງທຶນຂອງລັດທັງໝົດ 120 ໂຄງການລວມມີມູນຄ່າ 113,39 ຕື້ກີບ. ໃນນັ້ນທຶນພາຍ ໃນ 41,99 ຕື້ກີບ ແລະ ທຶນສົບທົບກັບຕ່າງປະເທດ 71,40% ແລະ ມາຮອດປັດຈຸບັນສາມາດປະ ຕິບັດ ໄດ້ 75 ໂຄງການໄດ້ ເປັນ ມູນຄ່າ 30,10 ຕື້ກີບເທົ່າກັບ 71,68% ຂອງແຜນການ ປີ ແລະ 6 ເດືອນ ຜ່ານມາສາມາດ ສ້າງລາຍ ຮັບເຂົ້າງົບປະມານໄດ້ 122 ຕື້ກວ່າ ກີບເທົ່າກັບ 45%, ຂອງແຜນການປີ. ໃນນີ້ລາຍຮັບຂອງສູນກາງໄດ້ 93 ຕື້ກວ່າ ກີບ ເທົ່າກັບ 53,61% ລາຍຮັບ ຂອງແຂວງ 28,70 ຕື້ກີບເທົ່າກັບ 31,20%, ດ້ານລາຍຈ່າຍ ປະຕິບັດໄດ້ 114 ຕື້ກວ່າກີບ ເທົ່າກັບ 37,64 ຂອງແຜນກາງປີ.
ມາຮອດປັດຈຸບັນ, ທົ່ວແຂວງມີຫົວໜ່ວຍອຸດສະຫະກຳ – ຫັດຖະກຳປຸງແຕ່ງ 224 ແຫ່ງ, ມີຫົວໜ່ວຍທຸລະກິດ 4.235 ໜ່ວຍອັນໄດ້ປະກອບສ່ວນສຳຄັນເຂົ້າໃນການ ພັດທະນາເສດຖະກິດ-ສັງຄົມຂອງທ້ອງຖິ່ນໄດ້ເປັນຢ່າງດີ.
