WHO ເປັນຫ່ວງ ‘ອາຟຣິກາ’ ຄາດມີຜູ້ຕິດເຊື້ອໂຄວິດ 300% ໃນ 1 ອາທິດ

ອົງການອະນາໄມໂລກ ເປັນຫ່ວງ “ອາຟຣິກາ” ຄາດມີຜູ້ຕິດເຊື້ອໂຄວິດສູງເຖິງ 300% ໃນພຽງ 1 ອາທິດ ເຫດສາທາລະນະສຸກລ້າຫລັງ.

ທ່ານ ດຣ. ທີໂດຣສ ອັດຮານອມ ກີບຣີເຍຊຸສ ຜູ້ອຳນວຍການໃຫຍ່ຂອງອົງການອະນາໄມໂລກ (WHO) ກ່າວວ່າ: ສະຖານະການພາກພື້ນອາຟຣິກາກຳລັງເລີ່ມມີການແຜ່ລະບາດໄວຣັສໂຄໂຣນາສາຍພັນໃໝ່ (ໂຄວິດ-19) ເພີ່ມຂຶ້ນ, ສ່ວນອາເມລິກາກາງ ແລະ ໃຕ້ ລວມທັງເອີຣົບຕາເວັນອອກ ຍັງມີທ່າອ່ຽງທີ່ໜ້າກັງວົນ, ສ່ວນໃນປະເທດທາງເອີຣົບຕາເວັນຕົກກຳລັງເຂົ້າສູ່ໄລຍະດີ ແລະ ມີທ່າອ່ຽງເບົາບາງລົງແລ້ວ.

ທ່ານ ດຣ. ທີໂດຣສ ເຊື່ອວ່າ: ພາກພື້ນຕ່າງໆລ້ວນມີທິດທາງການແຜ່ລະບາດຂອງໂຄວິດ-19 ທີ່ແຕກຕ່າງກັນໄປ ໂດຍປະເທດສ່ວນຫລາຍຍັງຢູ່ໃນໄລຍະເລີ່ມຕົ້ນຂອງການແຜ່ລະບາດ ແລະ ບາງປະເທດກຳລັງເລີ່ມເຫັນຈຳນວນຜູ້ຕິດເຊື້ອເພີ່ມຂຶ້ນອີກ. ຂະນະທີ່ການແຜ່ລະບາດຈະຍັງດຳເນີນຕໍ່ໄປອີກດົນ.