ຈຳນວນຜູ້ຕິດເຊື້ອໂຄວິດ ‘ອາເມລິກາ’ ເພີີ່ມສູງເຖິງ 4 ໝື່ນຄົນໃນ 24 ຊົ່ວໂມງ
“ອາເມລິກາ” ພົບຜູ້ຕິດເຊື້ອໂຄວິດ-19 ສູງເຖິງ 4 ໝື່ນຄົນໃນ 24 ຊົ່ວໂມງ ດັນຈຳນວນລວມເພີ່ມສູງກວ່າ 8,2 ແສນຄົນ ໂດຍນິວຢອກໜັກທີ່ສຸດ.
ສູນວິທະຍາສາດ ແລະ ວິສະວະກຳທາງລະບົບ (CSSC) ແຫ່ງມະຫາວິທະຍາໄລຈອນ ຮອບກິນ ລາຍງານວ່າ: ປັດຈຸບັນ ຈຳນວນລວມຜູ້ຕິດເຊື້ອໂຄໂຣນາສາຍພັນໃໝ່ (ໂຄວິດ-19) ຢູ່ອາເມລິກາມີ 823.786 ຄົນ ເພີ່ມຂຶ້ນ 39.460 ຄົນ ຈາກ 24 ຊົ່ວໂມງກ່ອນໜ້ານັ້ນ.
ສ່ວນຈຳນວນລວມຜູ້ເສຍຊີວິດຢູ່ອາເມລິກາມີ 44.999 ຄົນ ເພີ່ມຂຶ້ນ 2.700 ກວ່າຄົນ ຈາກ 24 ຊົ່ວໂມງກ່ອນໜ້ານັ້ນ.
ສຳນັກຂ່າວຊິນຮົວລາຍງານວ່າ: ຂໍ້ມູນຈາກ CSSC ຍັງລະບຸອີກວ່າ: ລັດນິວຢອກ ເຊິ່ງເປັນລັດທີ່ໄດ້ຮັບຜົນກະທົບໜັກສຸດຢູ່ອາເມລິກາ ມີລາຍງານຜູ້ຕິດເຊື້ອໂຄວິດ-19 ຈຳນວນ 258.000 ກວ່າຄົນ ເຊິ່ງສູງກວ່າຕົວເລກຜູ້ຕິດເຊື້ອໃນປະເທດອື່ນໆທົ່ວໂລກ.
ເຖິງຢ່າງໃດກໍຕາມ, ໃນວັນທີ 22 ເມສາ 2020 ເວລາ 14:00 ໂມງ ມີລາຍງານຜູ້ຕິດເຊື້ອໂຄວິດ-19 ທົ່ວໂລກທັງໝົດ 2.565.482 ຄົນ, ຜູ້ເສຍຊີວິດ 177.777 ຄົນ ແລະ ປິ່ນປົວຫາຍແລ້ວ 696.781 ຄົນ.
