ປີໃໝ່ລາວ ທົ່ວປະເທດມີຜູ້ເສຍຊີວິດຈາກອຸປະຕິເຫດ 22 ຄົນ

ໃນຂະນະທົ່ວປະເທດພວກປະຕິບັດການກັກກັນໄວຣັດໂຄວິດ-19ຢ່າງເຂັ້ມງວດໂດຍໃຫ້ຫລຸດຜ່ອນການອອກໄປທາງນອກໃນເມື່ອບໍ່ມີຄວາມຈຳເຜັນ ແລະ ໃຫ້ໂຈະການຈັດງານປະເພນີຕ່າງໆໃນໄລຍະນີ້, ແຕ່ບໍ່ຮູ້ວ່າດ້ວຍເຫດຜົນໃດພຽງ 7 ວັນໃນໄລຍະປີໃໝ່ລາວ ພສ 2563, ນັບແຕ່ວັນທີ 11-17 ເມສາຜ່ານມານີ້, ທົ່ວປະ ເທດມີອຸປະຕິເຫດເກີດຂຶ້ນ 88 ກໍລະນີ, ສົ່ງຜົນໃຫ້ມີຜູ້ເສຍຊີວິດ 22 ຄົນ,ບາດເຈັບ 135 ຄົນ ແລະ ພາຫະນະເປ່ເພເສຍຫາຍ 148 ຄັນ.

ກົມຕຳຫລວດຈະລາຈອນ ໃຫ້ຮູ້ວ່າ: ແຂວງທີ່ເກີດອຸບັດ ເຫດຫລາຍກວ່າໝູ່ ແມ່ນນະຄອນຫລວງວຽງຈັນມີ 13 ກໍລະນີ, ເສຍຊີວິດ 4 ຄົນ, ສະຫວັນນະເຂດ 12 ກໍລະນີ, ເສຍຊີວິດ 2 ຄົນ ແລະ ບາດເຈັບສາຫັດ 5 ຄົນ;ຈຳປາສັກມີ 9 ກໍລະນີ, ເຈັບສາຫັດ 1 ຄົນ, ແຂວງວຽງຈັນມີ 9 ກໍລະນີ, ເສຍຊີວິດ 1 ຄົນ ແລະ ເຈັບສາຫັດ 2 ຄົນ, ຫລວງພະບາງມີ 8 ກໍລະນີ, ເຈັບສາຫັດ 2 ຄົນ, ສາລະວັນ 7 ກໍລະນີ,ເສຍຊີວິດ 3 ຄົນ ແລະ ເຈັບສາຫັດ 2 ຄົນ, ໄຊຍະບູລີ 7 ກໍລະນີ, ເສຍຊີວິດ 2 ຄົນ ແລະ ເຈັບສາຫັດ 3 ຄົນ, ອັດຕະປືມີ 5 ກໍລະນີ, ເສຍຊີວິດ 6 ຄົນ, ບໍລິຄຳໄຊ 4 ກໍລະນີ,ເສຍຊີວິດ 1 ຄົນ, ເຈັບສາຫັດ 4 ຄົນ, ຄຳມ່ວນມີ 4 ກໍລະນີ, ເຈັບສາຫັດ 1 ຄົນ, ອຸດົມໄຊ 3 ກໍລະນີ, ເສຍຊີວິດ 1 ຄົນ , ເຊກອງ 3 ກໍລະນີ, ເສຍຊີວິດ 1 ຄົນ, ສ່ວນ ແຂວງຜົ້ງສາລີ, ຫລວງນ້ຳທາ, ບໍ່ແກ້ວ ແລະ ຊຽງຂວາງແຂວງລະ 1 ກໍລະນີ.