ປອມເປັນຕຳຫລວດໄລ່ຍິງປະຊາຊົນ ຢູ່ການາດາ ເສຍຊີວິດ 16 ຄົນ

ມືປືນແຕ່ງກາຍເປັນຕຳຫລວດກາດຍິງໃນລັດໂນວາສໂກເຊຍຂອງການາດາ 12 ຊົ່ວໂມງ ຂ້າຊີວິດປະຊາຊົນຢ່າງໜ້ອຍ 16 ຄົນ.

ຕຳຫລວດການາດາ ເປີດເຜີຍວ່າ: ທ້າວ ກາບຽວ ວອດແມນ ອາຍຸ 51 ປີ ອາຊີບຊ່າງເຮັດແຂ້ວປອມ ແຕ່ງກາຍເປັນຕຳຫລວດ ແລະ ຂັບຂີ່ລົດຍົນທີ່ມີການດັດແປງໃຫ້ເບິ່ງຄືພາຫະນະຂອງເຈົ້າໜ້າທີ່ ແລ້ວໃຊ້ອາວຸດປືນໄລ່ຍິງປະຊາຊົນຕາມສະຖານທີ່ຫລາຍແຫ່ງ ຢູ່ເມືອງພໍຕາພິດ ໃນລັດໂນວາສໂກເຊຍ ທີ່ຢູ່ທາງຕາເວັນອອກສຽງໃຕ້ຂອງປະເທດ ລະຫວ່າງວັນທີ 18-19 ເມສາຜ່ານມາ ເປັນເວລາເຖິງ 12 ຊົ່ວໂມງ ປະຊາຊົນເສຍຊີວິດຢ່າງໜ້ອຍ 16 ຄົນ ມືປືນເສຍຊີວິດນຳ. ສະຖານີໂທລະພາບຊີທີວີລາຍງານວ່າ: ຖືກຕຳຫລວດວິສາມັນຄາດຕະກຳ ແຕ່ຕຳຫລວດບໍ່ຢືນຢັນລາຍງານຂ່າວດັ່ງກ່າວ ແລະ ຍັງບໍ່ມີຂໍ້ບົ່ງບອກວ່າເປັນການກໍ່ການຮ້າຍ.