ບໍລິສັດ ພູເບ້ຍ ມາຍນິງ ມອບເຄື່ອງຊ່ວຍຫາຍໃຈ ໃຫ້ແຂວງ ໄຊສົມບູນ

ໃນວັນທີ 14 ເມສາ, ບໍລິສັດ ພູເບ້ຍ ມາຍນິງ (PBM) ໄດ້ມອບເຄື່ອງຊ່ວຍຫາຍໃຈສອງເຄື່ອງໃຫ້ພະແນກສາທາລະນະສຸກ ແຂວງ ໄຊ
ສົມບູນ. ການບໍລິຈາກດັ່ງກ່າວ ແມ່ນໄດ້ເພີ້ມຕື່ມເຂົ້າໃນການຊ່ວຍເຫຼືອດ້ານອຸປະກອນການແພດຂອງບໍລິສັດມູນຄ່າ US$ 100,000
ໃຫ້ແຂວງ ໄຊສົມບູນ.

ເຄື່ອງຊ່ວຍຫາຍໃຈດັ່ງກ່າວ ໄດ້ສົ່ງມອບໃຫ້ຕາງໜ້າຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ
COVID-19 ຈາກທີມແພດຂອງບໍລິສັດ ພູເບ້ຍ ມາຍນິງ ແລະ ຈະສົ່ງຕໍ່ໄປຍັງໂຮງໝໍແຂວງ.

ນອກຈາກການຊ່ວຍເຫຼືອດ້ານອຸປະກອນການແພດມູນຄ່າ US$ 100,000 ໃຫ້ແຂວງແລ້ວ, ບໍລິສັດ ພູເບ້ຍ ມາຍນິງ ຍັງຈະສະໜັບ
ສະໜຸນອຸປະກອນການແພດມູນຄ່າ US$500,000 ໃຫ້ລັດຖະບານ ລາວຢູ່ສູນກາງຕື່ມອີກ. ການບໍລິຈາກທັງສອງ ຈະສົ່ງຕໍ່ຜ່ານການ
ຈັດຊື້ອຸປະກອນຊ່ວຍເຫຼືອທາງການແພດທີ່ຈໍາເປັນ. ບໍລິສັດ ກໍາລັງເຮັດວຽກຮ່ວມກັບລັດຖະບານ ລາວ ເພື່ອກໍານົດອຸປະກອນ ແລະ
ເຄື່ອງມືການແພດທີ່ຕ້ອງການ.

ທ່ານ ຈັນເພັງ ບຸນນະຜົນ, ປະທານ ບໍລິສັດ ພູເບ້ຍ ມາຍນິງກ່າວກ່ຽວກັບຄວາມມຸ່ງໝັ້ນຂອງບໍລິສັດ ເພື່ອຊ່ວຍປະເທດ ລາວໃນການ
ປ້ອງກັນ COVID-19.

“ບໍລິສັດ ແມ່ນມຸ່ງໝັ້ນສະໜັບສະໜຸນລັດຖະບານ ແລະ ປະຊາຊົນລາວ ທ່າມກາງການລະບາດຂອງພະຍາດທີ່ເກີດຕໍ່ເນື່ອງ. ການ
ບໍລິຈາກເຄື່ອງຊ່ວຍຫາຍໃຈສອງເຄື່ອງດັ່ງກ່າວ ຈະຕອບສະໜອງຕໍ່ການສະໜັບສະໜຸນລະບົບການເບິ່ງແຍງຄົນເຈັບຂອງແຂວງໄຊ
ສົມບູນທັນທີ.

ທ່ານ ປະທານກ່າວຕື່ມວ່າ: “ບໍລິສັດ ຈະສືບຕໍ່ຕິດຕາມສະຖານະການທີ່ກໍາລັງເກີດຂຶ້ນນີ້ຢ່າງຈິງຈັງຫຼາຍ ແລະ ຈະປຶກສາຫາລືແບບເປີດ
ໃຈ ແລະ ເຮັດວຽກຮ່ວມນໍາລັດຖະບານ ລາວ ເພື່ອຮັບປະກັນວ່າສິ່ງໃດທີ່ບໍລິສັດ ສາມາດຊ່ວຍໄດ້ ເພື່ອຮັບມືກັບສິ່ງທ້າທາຍຂອງການ
ລະບາດຂອງພະຍາດ COVID-19.”