ການຄົ້ນພົບຫຼ້າສຸດ ກ່ຽວກັບໄວຣັສໂຄໂຣນ່າ

ໂດຍ: ລູກເມືອງພວນ

ຂ່າວຈາກໜັງສືພິມໄປສະນີທາງພາກໃຕ້ຂອງຈີນ (SCMP) ໃຫ້ຮູ້ວ່າ GS Remi Charrel ພ້ອມດ້ວຍເພື່ອນຮ່ວມງານຂອງເຂົາທີ່ມະຫາວິທະຍາໄລ Aix-Marseille ຂອງຝຣັ່ງ ໄດ້ທຳການເຜົາໄໝ້ສະພາບແວດລ້ອມທີ່ເຊື້ອໄວຣັສໂຄໂຣນ່າ ອາໄສຢູ່ເປັນເວລາ 1 ຊົ່ວໂມງດ້ວຍຄວາມຮ້ອນ 60 ອົງສາ ເຫັນວ່າ ເຊື້ອໄວຣັສໂຄໂຣນ່າ ສ່ວນຫຼາຍແມ່ນຍັງມີຊີວິດຢູ່ໄດ້ ແລະ ຂະຫຍາຍພັນອອກຕື່ມ.

ຄວາມຮ້ອນສູງສຸດທີ່ບັນທຶກໄວ້ໄດ້ໃນເດືອນກໍລະກົດ ປີ 1913 ທີ່ ຮ່ອມພູໃນລັດ California ຢູ່ທີ່ 56,7 ອົງສາ ຊຶ່ງບໍ່ສາມາດທີ່ຈະທຳລາຍເຊື້ອໄວຣັສໄດ້. ບັນດານັກວິທະຍາສາດຈຶ່ງຈຳເປັນຕ້ອງໄດ້ຍົກລະດັບຄວາມຮ້ອນຂຶ້ນເກືອບເຖິງຈຸດເດືອດ (ຟົດ) ຈຶ່ງສາມາດດັບສູນພວກມັນໄດ້ທັງໝົດ.

ນັກວິທະຍາສາດໄດ້ນຳເອົາເຊື້ອໄວຣັສໃນສະພາບແວດລ້ອມສະອາດມາຕົ້ມໃຫ້ຟົດ ເຫັນວ່າແມ່ພະຍາດຈະຕາຍກ້ຽງ ແຕ່ຖ້າຫາກນຳເອົາເຊື້ອໄວຣັສຢູ່ໃນສະພາບແວດລ້ອມເປິະເປື້ອນມາຕົ້ມໃຫ້ຟົດຈະເຫັນວ່າ ມີພະຍາດບາງສາຍພັນຍັງສາມາດມີຊີວິດຢູ່ໄດ້.

ເມື່ອເພີ່ມອຸນຫະພູມໃຫ້ສູງຂຶ້ນ ເຫັນວ່າ ເຊື້ອໄວຣັສຈະເຍົາລົງຢ່າງເຫັນໄດ້ຊັດ ແຕ່ມັນຍັງມີຄວາມສາມາດສ້າງວົງຈອນຕິດເຊື້ອຄັ້ງໃໝ່ໄດ້. ການຍົກລະດັບຄວາມຮ້ອນຂຶ້ນເຖິງ 60 ອົງສາ ແມ່ນວິທີການກຳຈັດເຊື້ອໄວຣັສຫຼາຍຊະນິດທີ່ທຳລາຍຊີວິດຄົນໄດ້ ໃນນັ້ນນັບທັງໄວຣັສ ອີໂບຣາ (Ebola) ນຳດ້ວຍ.

ບັນດານັກວິທະຍາສາດຂອງຝຣັ່ງຊີ້ໃຫ້ເຫັນວ່າ ລະດັບຄວາຮ້ອນໃກ້ກັບຈຸດເດືອດ (ຟົດ) ສາມາດກຳຈັດເຊື້ອໄວຣັສ Sars-Cov-2 ໄດ້. ຕົວຢ່າງ ຕົ້ມໄວຣັສໃນລະດັບຄວາມຮ້ອນ 92 ອົງສາ ໃນເວລາ 15 ນາທີ ກໍສາມາດກຳຈັດພວກມັນໄດ້ຢ່າງຮາບຄາບ.

ເຖິງຢ່າງໃດກໍຕາມຖ້າຫາກເຮັດລະດັບຄວາມຮ້ອນເຖິງລະດັບນັ້ນ ຈະມີຄວາມອັນຕະລາຍເຖິງນັກວິທະຍາສາສາດໃນຫ້ອງທົດລອງ, ດັ່ງນັ້ນຈຶ່ງຮຽກຮ້ອງໃຫ້ໃຊ້ຢາເຄມີແທນເພື່ອກຳຈັດພວກມັນ.