ໃຫ້ທຶນຄູອາຊີວະ 10 ທ່ານ ໄປສຶກສາຕໍ່ປະລິນຍາໂທຢູ່ໄທ
ທ້າຍອາທິດຜ່ານມານີ້, ອົງການຮ່ວມມືລາວ-ເຢຍລະມັນ (GIZ), ໄດ້ຈັດງານລ້ຽງສົ່ງຄູ ອາຊີວະສຶກສາລາວ ຈຳນວນ 10 ທ່ານ ໄປສຶກສາຕໍ່ໃນລະດັບປະລິນຍາໂທ ທີ່ມະຫາວິທະຍາໄລ ເທັກໂນໂລຢີພຣະຈອມກຣ້າວ ພຣະນະຄອນເໜືອ ເປັນເວລາ 1 ປີ.
+ກອງທຶນຊ່ວຍເຫລືອດ້ານອາຫານຂອງເອທິໂອປີກຳລັງຈະໝົດ
+ເພີ່ມຄວາມຮູ້ວຽກງານຕະຫລາດທຶນໃຫ້ສື່ມວນຊົນລາວ
ຜູ້ຕາງໜ້າອົງການ GIZ ກ່າວວ່າ: ການຍົກລະດັບຄວາມ ຮູ້ສຳລັບພະນັກງານຄູ ແມ່ນມີ ຄວາມສຳຄັນເປັນຢ່າງຍິ່ງ, ໂດຍ ມີນັກສຶກສາຈຳນວນຫລາຍທີ່ ຕ້ອງການປະສົບຜົນສຳເລັດ ໃນຊີວິດ, ຕ້ອງການຮຽນຮູ້ກ່ຽວ ກັບ ການຄ້າ ທີ່ສາມາດລ້ຽງຊີບຂອງຕົນເອງ ແລະ ຄອບຄົວໄດ້, ແຕ່ກ່ອນພວກເຂົາຈະປະສົບຜົນ ສຳເລັດໄດ້ກໍຕໍ່ເມື່ອມີຜູ້ນຳພາ ແລະ ສິດສອນທີ່ດີ, ມີຄວາມ ຮູ້ຄວາມສາມາດທີ່ຊຳນານງານ ແລະ ຄວາມຮູ້ເຫລົ່ານັ້ນ ບໍ່ສະ ເພາະແຕ່ທາງດ້ານເຕັກນິກເທົ່ານັ້ນ, ແຕ່ຕ້ອງຮູ້ໄດ້ເຖິງວິທີການ ສອນທີ່ກ້າວໜ້າ ແລະ ທັນສະໄໝ, ສະນັ້ນ GIZ ໃຫ້ການຊ່ວຍ ເຫລືອ ເພື່ອສ້າງຄວາມເຂັ້ມ ແຂງ ໃຫ້ແກ່ສະຖາບັນພັດທະນາການສຶກສາເພື່ອຕອບ ສະໜອງຫລັກ ສູດໃນພາກປະຕິບັດ, ພ້ອມທັງ ຕອບສະໜອງຄູອາຊີວະທີ່ຊຳ ນານງານໃຫ້ແກ່ໂຮງຮຽນອາຊີວະຕ່າງໆໃນທົ່ວປະເທດ.
ຄູອາຊີວະ ຈຳນວນ 10 ທ່ານນີ້ ແມ່ນຈະໄດ້ເຂົ້າຮຽນ ໃນຂະແໜງການບໍລິຫານອາຊີວະສຶກສາ ທີ່ມະຫາໄລດັ່ງກ່າວ ໃນປະເທດໄທ ແລະ ຫວັງວ່າ ພາຍ ຫລັງເຂົາເຈົ້າສຳເລັດ ການ ສຶກສານີ້ແລ້ວ ຈະໄດ້ກັບມາເຮັດ ວຽກນຳສະຖາບັນພັດທະນາ ອາຊີວະສຶກສາ ແລະ ພັດທະນາ ຫລັກ ສູດການຮຽນ-ການສອນ, ໃນຂອບເຂດຂະແໜງການອາຊີວະສຶກ ສາຂອງລາວ ເຂັ້ມແຂງດີຂຶ້ນ.
