ຜູ້ຕິດເຊື້ອໂຄວິດ-19 ທົ່ວໂລກທະລຸ 1,8 ລ້ານຄົນ ເສຍຊີິວິດ 1,1 ແສນກວ່າຄົນ

     ຈຳນວນຜູ້ຕິດເຊື້ອໂຄວິດ-19 ທົ່ວໂລກເພີ່ມເປັນ 1.851.011 ຄົນ, ເສຍຊີວິດ 114.098 ຄົນ, ປິ່ນປົວຫາຍດີ 422.566 ຄົນ. ຂະນະທີ່ອາເມລິກາຍັງຢູ່ຕຳແໜ່ງປະເທດທີ່ມີຜູ້ຕິດເຊື້ອ ແລະ ເສຍຊີວິດສູງສຸດໃນໂລກ.

      ມະຫາວິທະຍາໄລຈອນ ຮອບກິນ ລາຍງານວ່າ: ນັບມາຮອດວັນທີ 12 ເມສາ ຈຳນວນຜູ້ຕິດເຊື້ອໄວຣັສໂຄໂຣນາ ສາຍພັນໃໝ່ ຕົ້ນຕໍໂຣກໂຄວິດ-19 ທົ່ວໂລກເພີ່ມຂຶ້ນເປັນ 1.851.011 ຄົນ, ສ່ວນຈຳນວນຜູ້ເສຍຊີວິດທົ່ວໂລກມີ 114.098 ຄົນ, ສ່ວນຜູ້ທີ່ປິ່ນປົວຫາຍດີແລ້ວ ມີຈຳນວນ 422.566 ຄົນ.

     ອາເມລິກາ ຍັງເປັນປະເທດທີ່ມີຜູ້ຕິດເຊື້ອ ແລະ ເສຍຊີວິດຫລາຍທີ່ສຸດໃນໂລກ ໂດຍມີຜູ້ຕິດເຊື້ອຈຳນວນ 559.968 ຄົນ, ພົບຜູ້ຕິດເຊື້ອເພີ່ມ 27.089 ຄົນ, ສ່ວນຜູ້ເສຍຊີວິດ 22.036 ຄົນ, ມີຜູ້ເສຍຊີວິດເພີ່ມ 1.459 ຄົນ, ຮອງລົງມາຄືແອັດສະປາຍ ມີຜູ້ຕິດເຊື້ອຈຳນວນ 166.831 ຄົນ, ພົບຜູ້ຕິດເຊື້ອເພີ່ມ 3.804 ຄົນ, ສ່ວນຜູ້ເສຍຊີວິດມີຈຳນວນ 17.209 ຄົນ, ມີຜູ້ເສຍຊີວິດເພີ່ມ 603 ຄົນ.

      ອິຕາລີ ມີຜູ້ຕິດເຊື້ອ 156.363 ຄົນ ພົບຜູ້ຕິດເຊື້ອເພີ່ມ 4.092 ຄົນ, ສ່ວນຜູ້ເສຍຊີວິດຢູ່ອິຕາລີມີ 19.899 ຄົນ ພົບຜູ້ເສຍຊີວິດເພີ່ມ 431 ຄົນ, ຝຣັ່ງ ມີຜູ້ຕິດເຊື້ອ 132.591 ຄົນ ພົບຜູ້ຕິດເຊື້ອເພີ່ມ 2.937 ຄົນ ສ່ວນຜູ້ເສຍຊີວິດມີ 14.393 ຄົນ ພົບຜູ້ເສຍຊີວິດເພີ່ມ 561 ຄົນ, ເຢຍລະມັນ ມີຜູ້ຕິດເຊື້ອເພີ່ມເປັນ 127.854 ຄົນ ພົບຜູ້ຕິດເຊື້ອເພີ່ມ 2.402 ຄົນ, ສ່ວນຜູ້ເສຍຊີວິດມີ 3.022 ຄົນ ພົບຜູ້ເສຍຊີວິດເພີ່ມ 151 ຄົນ.

      ຂະນະທີ່ຈີນ ປະເທດທີ່ເປັນຕົ້ນຕໍການແຜ່ລະບາດຂອງໂຄວິດ-19 ມີຈຳນວນຜູ້ຕິດເຊື້ອ 82.056 ຄົນ ໃນວັນທີ 12 ເມສາ ພົບຜູ້ຕິດເຊື້ອເພີ່ມ, ສ່ວນຈຳນວນຜູ້ເສຍຊີວິດຂອງຈີນມີ 3.339 ຄົນ ແລະ ບໍ່ພົບຜູ້ເສຍຊີວິດເພີ່ມຈາກການສຳຫລວດໃນວັນທີ 12 ເມສາ ເຊັ່ນກັນ.