ອີງຕາມລາຍງານຂອງ ເວັບໄຊ The AFC.Com ໄດ້ ລາຍງານວ່າ ປັນຫາດ້ານການ ທູດຂອງ 2 ປະເທດລະຫວ່າງ ເກົາຫລີເໜືອ ແລະ ມາເລເຊຍ ຈຳເປັນຈຶ່ງມີການເລື່ອນການ ແຂ່ງຂັນໃນລາຍການ The AFC Asian cup 2017 ເປັນ ທີ່ສະໜາມໃນນະຄອນຫຼວງ ປຽງຢາງ ປະເທດເກົາຫລີເໜືອ. ໂດຍທີ່ຄະນະກຳມະການຈັດ ການແຂ່ງຂັນຂອງ AFC ໄດ້ ເລື່ອນການແຂ່ງຂັນໄປເປັນວັນທີ 08 ມີຖຸນາ 2017 ໂດຍຈະເປັນ ການແຂ່ງຂັນໃນສະໜາມກາງ ຕາມການສະເໜີຂອງ ສະຫະພັນ ບານເຕະເກົາຫລີເໜືອ ແລະ ການກຳນົດສະໜາມເປັນກາງ ຈະມີຂຶ້ນໃນວັນທີ 14 ເມສາທີ່ຈະ ມາເຖິງນີ້. ນອກຈາກນີ້ຍັງໄດ້ມີ ການສະເໜີວ່ານັດທີ 2 ຂອງ ການແຂ່ງຂັນທີ່ ມາເລເຊຍ ຈະ ໄດ້ເປັນເຈົ້າພາບ ກໍຄວນມີການ ແຂ່ງຂັນໃນສະໜາມເປັນກາງ ເຊັ່ນກັນເພື່ອຄວາມຍຸດຕິທຳຕໍ່ຄູ່ ແຂ່ງ.
ຂ່າວຈາກ:http://laosportnews.com.
