ທົ່ວໂລກຕິດໂຄວິດ-19 ເກືອບ 1,7 ລ້ານຄົນ ເສຍຊີວິດ 1 ແສນກວ່າຄົນ

     ຈາກການກວດສອບຂໍ້ມູນຫລ້າສຸດຈາກສູນ Center for Systems Science and Engineering (CSSE) ຂອງມະຫາວິທະຍາໄລຈອນ ຮອບກິນ ໃນວັນທີ 11 ເມສາ 2020 ເວລາ 6:01 ພົບວ່າ ຈຳນວນຜູ້ຕິດເຊື້ອໂຄວິດ-19 ທົ່ວໂລກມີ 1.691.719 ຄົນ, ສ່ວນຈຳນວນຜູ້ເສຍຊີວິດຈາກໄວຣັສໂຄວິດ-19 ທົ່ວໂລກມີ 102.525 ຄົນ, ປິ່ນປົວຫາຍດີ 376.096 ຄົນ.

     ຂໍ້ມູນຂອງ CSSE ລະບຸວ່າ: ອາເມລິກາມີຜູ້ຕິດເຊື້ອໂຄວິດ-19 ຫລາຍທີ່ສຸດ ມີຜູ້ຕິດເຊື້ອ 496.535 ຄົນ, ອັນດັບ 2 ແອັດສະປາຍ 158.273 ຄົນ, ອັນດັບ 3 ອິຕາລີ 147.577 ຄົນ, ອັນດັບ 4 ຝຣັ່ງ 125.931 ຄົນ, ອັນດັບ 5 ເຢຍລະມັນ 122.171 ຄົນ, ອັນດັບ 6 ຈີນ 82.941 ຄົນ, ອັນດັບ 7 ສະຫະຣາຊະອານາຈັກ 74.605 ຄົນ, ອັນດັບ 8 ອີຣານ 68.192 ຄົນ, ອັນດັບ 9 ຕວກກີ 47.029 ແລະ ອັນດັບ 10 ແບນຊິກ 26.667 ຄົນ.