ປະທານາທິບໍດີ ປູຕິນ ອວຍພອນໃຫ້ນາຍົກລັດຖະມົນຕີ ອັງກິດເອົາຊະນະ ໂຄວິດ-19 ທີ່ບຸກລຸກຕົວທ່ານເອງ
ໂດຍ: ລູກເມືອງພວນ
ພາຍຫຼັງໄດ້ຍິນຂ່າວວ່າທ່ານ Boris Johnson ເຂົ້າໂຮງໝໍເພື່ອປິ່ນປົວພະຍາດ ໂຄວິດ-19, ປະທານາທິບໍດີ ປູຕິນ ໄດ້ສົ່ງຄຳອວຍພອນເຖິງນາຍົກລັດຖະມົນຕີອັງກິດ ພ້ອມທັງຢືນຢັນວ່າ ທ່ານ Jonhson
ຈະເອົາຊະນະກັບພະຍາດ ໂຄວິດໄດ້.
ໃນຈົດໝາຍເຖິງຄູ່ຮ່ວມຕຳແໜ່ງນັ້ນ, ທ່ານ ປູຕິນ ຂຽນວ່າ: “ຮຽນ ທ່ານນາຍົກທີ່ຮັກແພງ, ຂ້າພະເຈົ້າຂໍສະແດງຄວາມເສຍໃຈນຳທ່ານ ທີ່ປະສົບກັບຄວາມຫຍຸ້ງຍາກໃນໄລຍະນີ້. ແຕ່ເຖິງຢ່າງໃດກໍຕາມ, ຄິດວ່າດ້ວຍພະລັງຈິດທີ່ມີອາລົມຂັນ ແລະ ກຳລັງວັງຊາຂອງທ່ານ ຈະຊ່ວຍໃຫ້ທ່ານເອົາຊະນະພະຍາດຄັ້ງນີ້ໄດ້. ຈາກໃຈຈິງ, ຂໍອວຍພອນໃຫ້ທ່ານຈົ່ງມີສຸຂະພາບແຂງແຮງໂດຍໄວ”
ຜູ້ປະກາດຂ່າວຂອງທ່ານ ປູຕິນ ໃຫ້ຮູ້ວ່າ ອັງກິດ ບໍ່ໄດ້ຮຽກຕ້ອງຄວາມຊ່ວຍເຫຼືອຈາກລັດເຊຍ ໃນການເບິ່ງແຍງດູແລະທ່ານນາຍົກ Jonhson
ແຕ່ຢ່າງໃດ.
ວັນທີ 7 ເມສານີ້, ສຳນັກງານນາຍົກລັດຖະມົນຕີຂອງ ອັງກິດ ໃຫ້ຮູ້ວ່າ ສຸຂະພາບຂອງທ່ານນາຍົກ ແມ່ນຢູ່ໃນສະພາບປົກກະຕິດີ, ເຖິງແມ່ນວ່າທ່ານຈະໄດ້ໃສ່ອົກຊີຢູ່ກໍຕາມ ແຕ່ປອດຂອງທ່ານບໍ່ໄດ້ມີການອັກເສບແຕ່ຢ່າງໃດ ແລະ ທ່ານໄດ້ຮັບການເບິ່ງແຍງເປັນຢ່າງດີ.
ຜູ້ປະກາດຂ່າວຍັງໃຫ້ຮູ້ອີກວ່າ: “ທ່ານນາຍົກກຳລັງໄດ້ຮັບການປິ່ນປົວດ້ວຍວິທີການທີ່ມາດຕະຖານທີ່ສຸດ ແລະ ກໍບໍ່ໄດ້ມີເຄື່ອງຊ່ວຍຫາຍໃຈແຕ່ຢ່າງໃດ”, ໃນຂະນະນີ້ ສຸຂະພາບ ແລະ ຈິດໃຈຂອງທ່ານແມ່ນຢູ່ໃນເກນດີທີ່ສຸດ.
