ບຸກຄະລາກອນການແພດອິຕາລີຕິດໂຄວິດ-19 ກວ່າ 10.000 ຄົນ

     ບຸກຄະລາກອນການແພດອິຕາລີຕິດໂຄວິດ-19 ບໍ່ໜ້ອຍກວ່າ 11.000 ຄົນ, ເສຍຊີວິດໄປແລ້ວ 73 ຄົນ ເນື່ອງຈາກໄວຣັສລະບາດຊ່ວງເກີດໄຂ້ຫວັດທຳມະດາ ເຮັດໃຫ້ແຍກບໍ່ອອກໄລຍະທຳອິດ.

    ສະຖາບັນສາທາລະນະສຸກແຫ່ງຊາດ ແລະ ສະມາຄົມແພດສາດຂອງອິຕາລີ ລາຍງານວ່າ: ບຸກຄະລາກອນການແພດຂອງອິຕາລີຕິດເຊື້ອໂຄວິດ-19 ແລ້ວບໍ່ໜ້ອຍກວ່າ 11.000 ຄົນ ຫລື ເກືອບ 10% ຂອງຈຳນວນຜູ້ຕິດເຊື້ອທັງໝົດ ແລະ ເສຍຊີວິດໄປແລ້ວ 73 ຄົນ ສ່ວນແພດຕິດເຊື້ອໄປແລ້ວ 19 ຄົນ.

     ທ່ານ ຄາໂລ ປາເລີໂມ ຜູ້ນຳສະຫະພາບການແພດອິຕາລີ ກ່າວວ່າ: ປັດໄຈສຳຄັນທີ່ເຮັດໃຫ້ບຸກຄະລາກອນການແພດຕິດເຊື້ອ ເພາະໄວຣັສໄດ້ລະບາດຊ່ວງເກີດໄຂ້ຫວັດທຳມະດາກ່ອນແລ້ວ ແພດ ແລະ ບຸກຄະລາກອນທາງການແພດຈຶ່ງແຍກບໍ່ອອກໃນໄລຍະທຳອິດ. ສຳລັບຢູ່ອິຕາລີມີຜູ້ຕິດເຊື້ອ 119.827 ຄົນ, ມີຜູ້ເສຍຊີວິດແລ້ວ 14.681 ຄົນ.