ຄວາມສຳຄັນຂອງຜູ້ບໍລິໂພກ ຊາວອາເມລິກາ ຕໍ່ເສດຖະກິດໂລກ

     ອາດປະຕິເສດບໍ່ໄດ້ວ່າ: ຜູ້ບໍລິໂພກຊາວອາເມລິກາ ມີຄວາມສຳຄັນຕໍ່ເສດຖະກິດໂລກຫລາຍຂະໜາດໃດ ເພາະອາເມລິກາ ມີຂະໜາດເສດຖະກິດໃຫຍ່ທີ່ສຸດໃນໂລກ GDP ປີ 2019 ສູງເຖິງ 21,43 ຕື້ໂດລາສະຫະລັດ ສູງກວ່າຈີນທີ່ເປັນອັນດັບ 2 ອ່າວຫລາຍ ໂດຍ GDP ຈີນບັນລຸ 14,14 ຕື້ໂດລາສະຫະລັດ ຖ້າເບິ່ງໃນອັດຕາສ່ວນຂອງ GDP ອາເມລິກາ ການບໍລິໂພກຂອງປະຊາຊົນຊາວອາເມລິກາກໍມີອັດຕາສ່ວນສູງເຖິ 70% ຂອງ GDP ເຊິ່ງສູງຫລາຍ, ເຮົາມາເບິ່ງກັນວ່າຂະແໜງການບໍລິໂພກຂອງອາເມລິກາມີຄວາມສຳຄັນຕໍ່ເສດຖະກິດໂລກຂະໜາດໃດ ແລະ ມີຫຍັງຈະເກີດຂຶ້ນຕໍ່ຈາກນີ້.

1. ເສດຖະກິດອາເມລິກາເຕີບໃຫຍ່ໄດ້ເພາະຜູ້ບໍລິໂພກແຂງແກ່ນ

    ຖ້າເວົ້າເຖິງການບໍລິໂພກ ຈະຄວບຄຸມສິນຄ້າຫລາກຫລາຍຊະນິດ ບໍ່ວ່າຈະເປັນເສື້ອຜ້າ, ລົດຍົນ, ນ້ຳມັນເຊື້ອໄຟ ລວມໄປເຖິງຮ້ານອາຫານ ແລະ ການທ່ອງທ່ຽວ ຕົວເລກການບໍລິໂພກຄື Retail Sales ແລະ Consumer Confidence ຈຶ່ງມີຄວາມສຳຄັນ ແລະ ມັດຖືກໃຊ້ເປັນຕົວຊີ້ວັດຄວາມແຂງແກ່ນຂອງເສດຖະກິດອາເມລິກາ ຫລັງຈາກເກີດວິກິດການເງິນປີ 2008 ຈົນ Fed ຕ້ອງດຳເນີນນະໂຍບາຍດອກເບ້ຍຕໍ່າ 0% ມາຫລາຍປີ ສົ່ງຜົນໃຫ້ຂະແໜງການບໍລິໂພກມີຕົ້ນທຶນທີ່ຕໍ່າລົງ ການບໍລິໂພກເຕີບໃຫຍ່ດີ.

• ຜູ້ບໍລິໂພກແຂງແກ່ນ ຜູ້ປະກອບການກໍຕ້ອງແຂ່ງຂັນກັນສູງ

     ເມື່ອຜູ້ບໍລິໂພກມີການໃຊ້ຈ່າຍທີ່ດີ ແລະ ເຕີບໃຫຍ່ ຜູ້ປະກອບການກໍຕ້ອງມີສ່ວນແບ່ງໃນຈິດໃຈ ແລະ ກະເປົາເງິນຂອງຜູ້ບໍລິໂພກຊາວອາເມລິກາຢ່າງຫລີກລ່ຽງບໍ່ໄດ້ ສິ່ງທີ່ຕາມມາຄື ການພັດທະນາເພື່ອໃຫ້ສິນຄ້າໂດດເດັ່ນ ແລະ ມີລາຄາທີ່ເໝາະສົມ ເຮົາອາດຈະໄດ້ເຫັນສິນຄ້າເຕັກໂນໂລຊີ ທັງໃນສິນຄ້າປະເພດຈັບບາຍໄດ້ ແລະ ຂະແໜງການບໍລິການທີ່ພັດທະນາຢ່າງກ້າວກະໂດດມາຢ່າງຕໍ່ເນື່ອງ.

• ເລີ່ມເຫັນສັນຍານຂອງການໃຊ້ຈ່າຍທີ່ເຕີບໃຫຍ່ໜ້ອຍລົງ

    ໄລຍະປີ 2018 ຕົວເລກ Personal Consumer Expenditure ຂອງຜູ້ບໍລິໂພກຊາວອາເມລິກາຍັງເຕີບໃຫຍ່ໄດ້ອ່າວດີ 5,2% ເມື່ອທຽບໃສ່ປີກ່ອນໜ້າ ແຕ່ໃນປີ 2019​ ຕົວເລກການເຕີບໃຫຍ່ເລີ່ມຫລຸດລົງມາຢູ່ 4% ເນື່ອງຈາກຄວາມເຄັ່ງຕຶງໃນເລື່ອງຄວາມຂັດແຍ່ງທາງການຄ້າລະຫວ່າງ ອາເມລິກາ ແລະ ຈີນ ສ່ວນໜຶ່ງມາຈາກການເຕີບໃຫຍ່ຢ່າງຮຸນແຮງຂອງ e-commerce ເຊິ່ງມີລາຄາຖືກກວ່າຊື້ຈາກໜ້າຮ້ານປົກກະຕິ ຈຳນວນເງິນທີ່ໃຊ້ຈ່າຍຕໍ່ປີກໍຫລຸດລົງໄປແລ້ວ.

• ເນັ້ນເຊົ່າບໍ່ເນັ້ນຊື້ຫລາຍຂຶ້ນ

     ຄົນໃນຍຸກ Gen Y (Millennial) ແລະ Gen Z ເປັນກຸ່ມທີ່ມີພຶດຕິກຳການບໍລິໂພກທີ່ຕ່າງໄປຈາກຄົນໃນຍຸກ Baby Boomer ແລະ Gen X ຢ່າງຊັດເຈນ ກຸ່ມນີ້ບໍ່ນິຍົມຊື້ສິນຄ້າທີ່ເປັນ Big Ticket ຄືເຮືອນ ແລະ ລົດຍົນ, ຜູ້ບໍລິໂພກໃນກຸ່ມນີ້ຈະຂຶ້ນມາເປັນກຸ່ມຜູ້ບໍລິໂພກຫລັກຢູ່ອາເມລິກາ ແລະ ທົ່ວໂລກ. ດັ່ງນັ້ນ ມີທ່າອ່ຽງວ່າຜູ້ບໍລິໂພກໃນອະນາຄົດຈະຈ່າຍເງິນຫລຸດລົງ ແຕ່ທຸລະກິດໃນດ້ານ Sharing Economy ຈະເຕີບໃຫຍ່ຂຶ້ນ.

• COVID-19 ຈະສົ່ງຜົນກະທົບຕໍ່ຜູ້ບໍລິໂພກຊາວອາເມລິກາ ຫລາຍຂະໜາດໃດ

     ປັດຈຸບັນ ອາເມລິກາຄືປະເທດທີ່ມີຜູ້ຕິດເຊື້ອ COVID-19 ສູງທີ່ສຸດໃນໂລກ ຕົວເລກເພີ່ມຂຶ້ນຫລາຍກວ່າ 150.000 ຄົນ ຕອນນີ້ການບໍລິໂພກຍັງບໍ່ກະທົບຫລາຍປານໃດ ເນື່ອງຈາກລະບົບການຂົນສົ່ງຂອງຜູ້ຄ້າຍ່ອຍ e-commerce ຢູ່ອາເມລິກາ ຢູ່ໃນລະດັບດີຫລາຍ ເມື່ອບໍ່ສາມາດອອກຈາກເຮືອນກໍສັ່ງມາເຮືອນແທນ ແລະ ມາດຕະຖານໃນແຕ່ລະລັດກໍບໍ່ໄດ້ຕ່າງກັນຫລາຍ ຄືໃນກຸ່ມປະເທດກຳລັງພັດທະນາທີ່ບໍລິການມັກຈະມີພຽງຢູ່ເມືອງຫລວງ ແລະ ເມືອງໃຫຍ່ໆເທົ່ານັ້ນ ແຕ່ພາບລວມຫລຸດຜ່ອນການແຜ່ລະບາດຂອງໂລກຍັງບໍ່ຊັດເຈນ ແລະ ຜົນກະທົບຕໍ່ເສດຖະກິດຈະຮຸນແຮງຂະໜາດໃດ ຄວາມເຊື່ອໝັ້ນຂອງຜູ້ບໍລິໂພກກໍຕ້ອງຫລຸດລົງ.

      ການເກີດໂຣກລະບາດສົ່ງຜົນໃຫ້ກິດຈະກຳທາງເສດຖະກິດຫລຸດລົງບໍ່ຫລາຍ, ທຳນຽບຂາວບໍ່ໄດ້ເມີນເສີຍ ຫລ້າສຸດສະພາຄອງເກຣດໄດ້ຜ່ານມະຕິກະຕຸ້ນເສດຖະກິດທີ່ມີມູນຄ່າສູງເຖິງ 2 ຕື້ໂດລາສະຫະລັດ ສ່ວນໜຶ່ງນຳໄປແຈກໃຫ້ຄົນອາເມລິກາທຸກຄົນທີ່ມີລາຍໄດ້ບໍ່ເຖິງປີລະ 90.000 ໂດລາສະຫະລັດ ຄົນລະ 1.200 ໂດລາສະຫະລັດ ລວມເຖິງຂະຫຍາຍເວລານະໂຍບາຍ Social Distancing ໄປຈົນເຖິງວັນທີ 30 ເມສາ ເຊິ່ງອາດຈະຊ່ວຍໃຫ້ການຄວບຄຸມ ແລະ ປິ່ນປົວຜູ້ຕິດເຊື້ອມີປະສິດທິພາບຫລາຍຂຶ້ນ.