ບາງວິທີຊ່ວຍທ່ານກຳຈັດບັນຫາການສົ່ງວຽກບໍ່ທັນ
– ແບ່ງວຽກເປັນສ່ວນໆທີ່ຄິດວ່າເຮັດໄຫວ : ທ່ານອາດຈະເລື່ອນວຽກໄປມື້ນັ້ນມື້ນີ້ຍ້ອນທ່ານຮູ້ສຶກຄິດຫຍັງບໍ່ອອກ, ແບ່ງໂຄງ ການ ຫລື ວຽກຂອງທ່ານອອກເປັນສ່ວນຍ່ອຍໆ ຈະເຮັດໃຫ້ທ່ານຄ່ອຍໆຄິດວຽກ ແລະ ສາມາດດຳເນີນການໄດ້ໃນໜຶ່ງມື້, ການຈົບວຽກນ້ອຍໆໄດ້ຈະຊ່ວຍໃຫ້ທ່ານຮູ້ສຶກວ່າວຽກຢູ່ໃນການຄວບຄຸມຂອງທ່ານແລະບໍ່ລົ້ນມືຈົນເກີນໄປ.
– ເຮັດສິ່ງທີ່ລຶ້ງ ແລະ ຊຳນານທີ່ສຸດກ່ອນ : ເມື່ອພົບວຽກຍາກໆຈະເຮັດໃຫ້ເກີດຄວາມຢ້ານຫົວທ່ານຈະຄິດເຖິງແຕ່ຄວາມລົ້ມ ເຫລວ, ບາງເທື່ອການຈັດການຈຸດຍ່ອຍໆໄປກ່ອນອາດເຮັດໃຫ້ທ່ານໄດ້ຂໍ້ຄິດ ແລະ ແນວທາງຕື່ມ ແລະ ຄ່ອຍໆຈົດບັນທຶກລົງໃນເຈ້ຍນ້ອຍ ປຽບດັ່ງຮ່າງພື້ນຖານກ່ອນທີ່ຈະລົງມືເຮັດຈິງ.
– ໃຊ້ເວລາຢ່າງເປັນປະໂຫຍດໂດຍການຕີລາຄາຕາຕະລາງການເຮັດວຽກກັບເວລາທີ່ທ່ານໄດ້ຮັບ ແລະ ເຮັດໄປຕາມທີ່ກຳນົດນັ້ນ, ຫາກມີຂໍ້ຕິດຂັດຄວນປ່ຽນເອົາພາກສ່ວນອື່ນມາເຮັດກ່ອນ ຢ່າໄດ້ເສຍເວລາອັນມີຄ່າແມ່ນແຕ່ວິນາທີດຽວ.
– ຕັດສິິ່ງລົບກວນອອກ : ປິດວົງສັງຄົມອອນລາຍ ແລະ ໂທລະສັບມືຖືຂອງທ່ານ ອຸທິດເວລາ ແລະ ຄວາມພະຍາຍາມຂອງທ່ານເພື່ອເຮັດໃຫ້ວຽກ ຫລື ໂຄງການນີ້ສຳເລັດ ຫາກທ່ານປ່ອຍໃຫ້ຄວາມສົນໃຈຂອງທ່ານໄປທາງອື່ນຫລາຍກ່ວາ ມັນກໍຈະຈົບແບບເກົ່າໆ ໂດຍການເລື່ອນວຽກໄປເຮັດໃນມື້ໜ້າ.
– ການເລື່ອນມື້ອາດເກີດຂຶ້ນໄດ້ຈາກຄວາມລຳບາກໃຈກ່ຽວກັບພຶດຕິກຳຂອງເພື່ອນຮ່ວມວຽກ ຈົນບາງເທື່ອເຮັດໃຫ້ທ່ານຍອມຮັບວຽກນັ້ນທັງໝົດມາເຮັດຄົນດຽວ, ແຕ່ວຽກທີ່ເບິ່ງເກີນກຳລັງຈະເຮັດໃຫ້ທ່ານກຽດຄ້ານໃຫ້ ປ່ຽນມາໃຊ້ວິທີປະຊຸມກັນອາທິດລະເທື່ອເພື່ອປຶກສາຫາລືກ່ຽວກັບຄວາມຄືບໜ້າຂອງວຽກ ແລະ ແຍກຍ້າຍກັນໄປເຮັດວຽກກໍຈະໃຫ້ຜົນທີ່ດີກ່ວາ.
