“5 ປະເທດ” ເສຍຊີວິດຈາກ ໂຄວິດ-19 ຫລາຍທີ່ສຸດໃນໂລກ

     ສຳນັກຂ່າວ CNN ລາຍງານສະຖານະການການລະບາດຂອງໂຄວິດ-19 ວ່າ: ມີຈຳນວນຜູ້ຕິດເຊື້ອທົ່ວໂລກທະລຸ 1 ລ້ານຄົນ ຕາມການຄາດຄະເນຂອງອົງການອະນາໄມໂລກ (WHO) ວ່າ: ຈະທະລຸຫລັກລ້ານພາຍໃນອາທິດນີ້.

     ເມື່ອໄລ່ລຽງພົບວ່າ: 5 ປະເທດທຳອິດມີປະຊາຊົນເສຍຊີວິດຈາກການຕິດເຊື້ອໂຄວິດ-19 ຫລາຍທີ່ສຸດໃນໂລກ ຂໍ້ມູນວັນທີ 2 ເມສາ 2020 ໂດຍພົບວ່າ: ອັນດັບທຳອິດຄືປະເທດອິຕາລີ ມີຜູ້ເສຍຊີວິດສູງສຸດໃນໂລກເຖິງ 13.915 ຄົນ, ແອັສປາຍອັນດັບ 2 ມີຜູ້ເສຍຊີວິດ 10.096 ຄົນ, ສ່ວນອັນດັບ 3 ສະຫະລັດອາເມລິກາມີຕົວເລກຜູ້ເສຍຊີວິດຫລາຍກວ່າ 5.200 ຄົນ ໂດຍນະຄອນນິວຢອກຜະເຊີນວິກິດໂຄວິດ-19 ຫລາຍທີ່ສຸດ ມີຜູ້ຕິດເຊື້ອ 92.000 ກວ່າຄົນ ແລະ ເສຍຊີວິດ 1.340 ກວ່າຄົນ. ສຳລັບອັນດັບ 4 ຝຣັ່ງ ເສຍຊີວິດແລ້ວ 4.503 ຄົນ ແລະ ຈີນຢູ່ອັນດັບ 5 ມີຜູ້ເສຍຊີວິດ 3.318 ຄົນ.