ປະຫວັດສາດຈາລຶກ, ອອສຕາເພນໂກ ສາວນ້ອຍອາຍຸ 20 ປີ ຄວ້າແຊ໊ມເຕັນນິສ ເຟຣນ ໂອເພນ

ການແຂ່ງຂັນເຕນນິສ ແກຣນສະແລມ “ເຟຣນ ໂອເພນ 2017” ທີ່ສະໜາມໂຣລັງ ກາ ມອສ ໃນນະຄອນຫຼວງປາຣິສ ປະເທດຝຣັ່ງ ໃນປະເພດຍິງດ່ຽວ ຮອບຊີງຊະນະເລີດ ຜົນປາກົດວ່າ ເຍເຍນາ ອອສຕາເພນໂກ ນັກ ເຕັນນິສດາວຮຸ່ງອາຍຸ 20 ປີ ຈາກ ລັດເວຍ ພິກລ໊ອກເອົາຊະນະ ຊິໂມນາ ຮາເລັບ ມືວາງອັນດັບ 3 ຂອງລາຍການຈາກໂຣມາເນຍ 2-1 ເຊັດ 4-6, 6-4, 6-3. ສ້າງ ປະຫວັດສາດເປັນເຕັນນິສຈາກ ລັດເວຍ ຄົນທຳອິດທີ່ໄດ້ແຊ໊ມເຕັນ ນິສແກຣນສະແລມ ແລະ ເປັນມື ວາງບໍ່ມີອັນດັບຄົນທຳອິດທີ່ໄດ້ ແຊ໊ມ ເຟຣ ໂອເພນ ຕໍ່ຈາກ ມາກາ ເຣັດ ຊະຣິເວນ ທີ່ເຄີຍເຮັດໄວ້ເມື່ອ ປີ 1933. ນອກຈາກນັ້ນ ອອສ ຕາເພນໂກ ມືວາງອັນດັບ 44 ຂອງໂລກ ຍັງສ້າງສະຖິຕິເປັນ ນັກເຕັນນິສມືວາງອັນດັບທີ່ຕ່ຳສຸດທີ່ຄວ້າແຊ໊ມ ເຟຣນ ໂອເພນ ມາ ຄອງໄດ້ສຳເລັດ ເຊິ່ງເປັນແຊ໊ມສະ ໄໝທຳອິດຂອງລາວ ລວມທັງ ເປັນນັກເຕັນນິສອາຍຸໜ້ອຍສຸດ ເປັນອັນດັບ 2 ໃນປະຫວັດສາດທີ່ ໄດ້ແຊ໊ມ ເຟຣນ ໂອເພນ ໃນອາຍຸ 20 ປີ ເປັນຮອງພຽງ ອິວາ ວາ ໂຍລີ ຈາກ ໂຄຣເອເຊຍ ທີ່ໄດ້ແຊ໊ມ ໃນອາຍຸ 19 ປີ.

ການຄວ້າແຊ໊ມຄັ້ງນີ້ເຮັດໃຫ້ ອອສຕາເພນໂກ ຍ້າຍຈາກມືວາງ ອັນດັບ 47 ຂຶ້ນມາຢູ່ມືວາງອັນດັບ 12 ຂອງໂລກ ໂດຍໃນຮອບຜ່ານ ມາລາວເອົາຊະນະ ຊາແມນທາ ສະໂຕເຊີ ຈາກ ອອສເຕຣເລຍ, ແຄໂຣໄລ ວອດນຽກກີ ຈາກ ເດນມາກ ແລະ ທິເມຍ ບາກຊິນ ສະກີ ຈາກ ສະວິດເຊີແລນ ຈົນ ຜ່ານເຂົ້າມາໄດ້ແຊ໊ມ.