ກັກຕົວ ດີກວ່າກັກຕຸນ

ລູູກເມືອງພວນ

ການກັກຕົວແມ່ນວິທີການປ້ອງກັນພະຍາດໂຄວິດທີ່ດີທີ່ສຸດ, ຊຶ່ງປະເທດໃດໆ ກໍໃຊ້ຫຼັກການແບບນີ້ ເພື່ອບໍ່ໃຫ້ຕິດຕໍ່ເຊື້ອໄວຣັສເປັນວົງກວ້າງ. ການທີ່ກັກຕົວຢູ່ໃນເຮືອນໝາຍຄວາມວ່າ ຈຳກັດການອອກໄປຂ້າງນອກ, ຫຼີກລ່ຽງການໄປພົບປະພົວພັນສຳຜັດກັບຄົນອື່ນ ເພາະເຮົາບໍ່ຮູ້ວ່າໃຜຕໍ່ໃຜຕິດເຊື້ອແດ່. ສະນັ້ນ, ການຫຼີກລ່ຽງໄປບ່ອນຊຸມຊົນແອອັດ ຫຼື ໄປບ່ອນເຕົ້າໂຮມຄົນເປັນຈຳນວນຄົນຫຼວງຫຼາຍ ແມ່ນບໍ່ຄວນເປັນຢ່າງຍິ່ງ. ຜູ້ທີ່ຕິດເຊື້ອແລ້ວ ກໍຄວນກັກຕົວຢູ່ໃນບໍລິເວນ ບໍ່ໄປພົວພັນສຳຜັດກັບສັງຄົມທາງນອກ ເພື່ອຫຼີກລ່ຽງບໍ່ໃຫ້ພະຍາດຕິດຕໍ່ໄປໃສ່ຄົນອື່ນ. ການກັກຕົວຢູ່ໃນເຮືອນ ຫຼື ກັກຕົວຢູ່ໃນບໍລິເວນ ຈຶ່ງເປັນວິທີການທີ່ດີທີ່ສຸດໃນການປ້ອງກັນພະຍາດໂຄວິດ.

ກັກຕຸນ ໝາຍເຖິງການສວຍໂອກາດຂອງຄົນຈຳນວນໜຶ່ງທີ່ກັກສິນຄ້າໄວ້ບໍ່ຂາຍອອກ ແຕ່ຈະຂາຍອອກໃນເມື່ອສິນຄ້າຂາດແຄນ(ຕະຫຼາດຂາດສິນຄ້າ) ເພື່ອຂາຍກິນກຳໄລສູງໆ. ຍົກຕົວຢ່າງ: ຜ້າອັດປາກ-ດັງ ຕາມປົກກະຕິກັບໜຶ່ງຂາຍ 25.000 ກີບ ແຕ່ຂາຍຍາມເມື່ອສັງຄົມມີຄວາມຕ້ອງການສູງ ຫຼື ຍາມສິນຄ້າຂາດຕະຫຼາດກໍຈະນຳເອົາອອກມາຈຳໜ່າຍເພື່ອກິນກຳໄລເທົ່າຕົວ.

ກັກຕົວ ແລະ ກັກຕຸນ ອັນໃດດີກວ່າກັນ ພີ່ນ້ອງຄິດເບິ່ງ !