ປະທານຢູຟ້າ ຄາດວ່າລີກບານເຕະເອີຣົບອາດຈະໂມຄະ ຫາກກັບມາແຂ່ງຂັນຕໍ່ເດືອນມິຖຸນານີ້ບໍ່ໄດ້..!
March 30, 2020 - 12:51 PM
ຕາມການລາຍງານຂອງສຳນັກຂ່າວຕ່າງປະເທດໃຫ້ຮູ້ວ່າ: ປັດຈຸບັນການແຂ່ງຂັນບານເຕະລີກໃນທະວີບເອີຣົບຖືກເລື່ອນອອກໄປ ຫຼັງຈາກມີການແຜ່ລະບາດຂອງເຊື້ອໄວຣັສ ໂຄວິດ-19, ໂດຍສະເພາະໃນຕອນນີ້ໃນທະວີບເອີຣົບໄດ້ຮັບຜົນກະທົບໜັກຈາກເຊື້ອໄວຣັສດັ່ງກ່າວເຊັ່ນປະເທດ ອີຕາລີ ຂະນະນີ້ມີຈຳນວນຜູ້ຕິດເຊື້ອແຊງໜ້າສປ.ຈີນໄປແລ້ວ.
ກ່ອນໜ້ານີ້ ຢູຟ້າ ປະກາດເລື່ອນບານເຕະຢູໂຣ 2020 ອອກໄປເປັນປີ ໜ້າເພື່ອໃຫ້ບານເຕະລີກໄດ້ແຂ່ງຂັນຈົບພາຍໃນເດືອນມີຖຸນານີ້, ແຕ່ສະພາບການໃນປັດຈຸບັນເຮັດໃຫ້ ອາເລັກຊານເດີ ເຊເຟີນ ປະທານຢູຟ້າ ຍອມຮັບວ່າມີຄວາມເປັນໄປໄດ້ທີ່ຈະເປັນໂມຄະ, ເພາະນີ້ຄືສະພາບການທີ່ລະອຽດອ່ອນ ທຸກຝ່າຍພະຍາຍາມຫາທາງອອກທີ່ດີທີ່ສຸດ, ສ່ວນເລື່ອງທີ່ຈະກັບມາແຂ່ງຂັນແບບປິດ (ຫ້າມຜູ້ຊົມເຂົ້າສະໜາມ) ກໍ່ຍອມຮັບວ່າອາດຈະບໍ່ສາມາດແຂ່ງຂັນແບບປິດນີ້ໄດ້ທຸກນັດ ແລະ ທຸກລີກ.
