ຄຳກ່າວເຕືອນທີ່ຮີບດ່ວນກ່ຽວກັບການກາຍພັນຂອງໄວຣັສ ໂຄໂຣນາ

ລູກເມືອງພວນ

ສຳນັກຂ່າວ RBHT  ໃຫ້ຮູ້ວ່າ: ວົງການແພດຣັດເຊຍ, ຫວ່າງບໍ່ດົນມານີ້ ໄດ້ອອກມາກ່າວເຕືອນຫຼ້າສຸດກ່ຽວກັບການກາຍພັນຂອງໄວຣັສ ໂຄໂຣນາ ສາຍພັນໃໝ່.

Butry ກ່າວວ່າ: “ ໂຄວິດ-19 ຈະຢູ່ໄດ້ດົນກວ່າໄວຣັສທາງເດີນຫາຍໃຈທຳມະດາ (ARVI) ປະມານແຕ່ໜຶ່ງຫາສອງອາທິດ ແລະ ບາງຄັ້ງຄາວ ຍັງເຮັດໃຫ້ປອດອັກເສບໜັກຂຶ້ນ. ໃນນີ້ມີຫຼັກການອັນໜຶ່ງທີ່ງ່າຍດາຍທີ່ສຸດກໍຄື: ຖ້າທ່ານຫາກຮູ້ສຶກວ່າຫາຍໃຈຍາກ ກໍຮິບຟ້າວໄປຫາແພດໝໍ ທັນທີ ”.

ທ່ານໝໍຄົນໜຶ່ງທີ່ເຮັດວຽກຢູ່ໃນຫ້ອງກວດ GMS ຂອງມົສກູ ໃຫ້ຮູ້ວ່າ: ໄວຣັສໂຄໂຣນາ ກຳລັງມີການປ່ຽນແປງຢ່າງຮ້າຍແຮງຢູ່ໃນຮ່າງກາຍຂອງຄົນເຮົາ. ທ່ານເວົ້າວ່າ: “ມາຮອດປັດຈຸບັນ ໄວຣັສດັ່ງກ່າວໄດ້ພິສູດໃຫ້ເຫັນວ່າ ມັນກຳລັງມີການປ່ຽນແປງຢ່າງໄວວາ ແລະ ມີຄວາມແຂງແຮງທີ່ສຸດ”.

ມາເຖິງວັນທີ 27 ມີນານີ້, ຣັດເຊຍມີຜູ້ຕິດເຊື້ອທັງໝົດ 199 ຄົນ ແລະ ຍັງບໍ່ມີຜູ້ເສຍຊີວິດ. ເຖິງຢ່າງໃດກໍດີ ຣັດຖະບານຣັດເຊຍ ໄດ້ເຮັດທຸກສິ່ງຢ່າງເພື່ອຕໍ່ສູ້ກັບໂຄວິດ-19 ທີ່ກຳລັງລະບາດຢູ່ໃນຂະນະນີ້ ຢ່າງເອົາຈິງເອົາຈັງ./,