ຕຳຫລວດບໍ່ແກ້ວຈັບເຄືອຂ່າຍຢາເສບຕິດຂ້າມຊາດ

ເຈົ້າໜ້າທີ່ ປກສ ແຂວງ ບໍ່ແກ້ວ ໃຫ້ຮູ້ວ່າ: ເມື່ອບໍ່ດົນມາ ນີ້ກໍາລັງເຈົ້າໜ້າທີ່ຂອງຕົນ, ສາມາດຈັບເຄືອຂ່າຍຄ້າ ຢາເສບຕິດຂ້າມຊາດຢູ່ເຂດເສດຖະກິດພິເສດສາມຫລ່ຽມຄຳ, ເມືອງຕົ້ນເຜິ້ງ, ແຂວງບໍແກ້ວຄື: ທ້າວ ອາຍກ່າ ອາຍຸ 37 ປີ ຢູ່ບ້ານຫ້ວຍຫົງ, ເມືອງຫວະ, ແຂວງທ່າຂີ້ເຫລັກ, ທ້າວ ອາເຊິນ ອາຍຸ 35 ປີ ຢູ່ບ້ານ ຈຽງກາ, ເມືອງຈຽງຕຸງ, ແຂວງ ຈຽງຕຸງ, ທ້າວ ອາຍຫລົງ ອາຍຸ 21 ປີ ຢູ່ບ້ານເມືອງຊາດ, ເມືອງ ແລະ ແຂວງທ່າຂີ້ເຫລັກປະເທດມຽນມາ ແລະ ທ້າວ ທອງ ອາຍຸ 27 ປີຢູ່ບ້ານ ປາກຮາວເໜືອ, ເມືອງຫ້ວຍຊາຍແຂວງບໍ່ແກ້ວ, ພ້ອມຂອງກາງຢາບ້າຈຳນວນ 36 ພັນກວ່າເມັດ, ຈຶ່ງຢືດໄວ້ ເປັນຫລັກຖານ ເພື່ອດໍາເນີນຄະ ດີຕາມລະບຽບກົດໝາຍ ແລະ ຜ່ານການສືບສວນ-ສອບສວນຂອງເຈົ້າໜ້າ ທີ່ພວກກ່ຽວຮັບສາລະພາບວ່າ: ຢາບ້າດັ່ງກ່າວແມ່ນຂອງຕົນແທ້, ໂດຍຊື້ມາຈາກຂະບວນການຄ້າຢາເສບຕິດໃນແຂວງພາກເໜືອເພື່ອໄວ້ຈໍາໜ່າຍໃຫ້ລູກຄ້າ, ໂດຍເຈົ້າໜ້າທີ່ຈະຂະຫຍາຍຜົນຫາຜູ້ ຮ່ວມຂະບວນການເພື່ອນໍາຈັບ ຕົວມາດຳເນີນຄະດີຕາມລະບຽບກົດໝາຍໂດຍໄວ.

+ ຕຳຫລວດຈະສືບຕໍ່ມ້າງຂະບວນການປອມແປງປ້າຍລົດໃຫ້ໝົດໄປ

+ ຕໍາຫລວດອຸດົມໄຊຈັບຜູ້ຄ້າຢາເສບຕິດລາຍໃຫຍ່

+ ຕໍາຫລວດບໍ່ແກ້ວເລັ່ງຕິດຕາມຂະບວນ ຄ້າຢາເສບຕິດລາຍໃຫຍ່ມາດໍາເນີນຄະດີ