ຈີນກຽມຍົກເລີກມາດຕະການປິດເມືອງຢູ່ອູ່ຮັ່ນ 8 ເມສານີ້
March 24, 2020 - 1:46 PM
ໜ່ວຍງານສາທາລະນະສຸກຂອງຈີນເປີດເຜີຍວ່າ: ເມືອງອູ່ຮັ່ນ ເຊິ່ງເປັນສູນກາງການລະບາດຂອງໄວຣັສໂຄໂຣນາສາຍພັນໃໝ່ (ໂຄວິດ-19) ຈະຍົກເລີກມາດຕະການປິດປະເທດໃນວັນທີ 8 ເມສານີ້ ຫລັງຈາກຈຳນວນຜູ້ຕິດເຊື້ອຄົນໃໝ່ຫລຸດລົງຢ່າງຕໍ່ເນື່ອງ.
ສຳນັກຂ່າວກຽວໂຕລາຍງານວ່າ: ຂໍ້ມູນຈາກຄະນະກຳມະການສາທາລະນະສຸກແຫ່ງຊາດຂອງຈີນ ລະບຸວ່າ: ເມືອງອູ່ຮັ່ນ ເຊິ່ງມີປະຊາກອນ 11 ລ້ານຄົນ ໄດ້ປິດເມືອງນັບແຕ່ວັນທີ 23 ມັງກອນ ເພື່ອສະກັດກັ້ນການແຜ່ລະບາດຂອງໂຄວິດ-19 ເຊິ່ງສົ່ງຜົນໃຫ້ມີຜູ້ຕິດເຊື້ອ 81.171 ຄົນ ແລະ ມີຜູ້ເສຍຊີວິດເກືອບ 3.300 ຄົນໃນປະເທດຈີນ.
