ນະຄອນຫລວງວຽງຈັນ ຍັງມີຮ້ານບັນເທີງຈຳນວນໜຶ່່ງຝ່າຝືນເປີດບໍລິການ

ຫົວໜ້າພະແນກຖະແຫຼງຂ່າວ ວັດທະນະທຳ ແລະ ທ່ອງທ່ຽວ ນະຄອນຫຼວງວຽງຈັນ (ຖວທ ນວ) ໃຫ້ຮູ້ວ່າ: ພາຍຫລັງລັດຖະບານມີຄຳສັ່ງໃຫ້ທຸກຮ້ານບັນເທີງ, ກາຣາໂອເກ,ຮ້ານອົບນວດ-ສະປາ ແລະ ງານສ້າງສັນ ແບບຊຸມຊົນຫລາຍຄົນໂຈະການບໍລິການຊົ່ວຄາວໃນຂອບເຂດທົ່ວປະເທດ,ເພື່ອ ປ້ອງກັນ ແລະ ສະກັດການລະບາດຂອງພະຍາດ COVID-19 ໄປຮອດທ້າຍເດືອນເມສານີ້ ຫລື ຈົນກ່ວາຈະມີການຄວບຄຸມພະຍາດຮ້າຍແຮງນີ້ໄດ້. ແຕ່ ຈາກນັ້ນໜ່ວຍງານສະເພາະກິດ ແລະ ເຈົ້ນໜ້າທີ່ກ່ຽວຂ້ອງໃນນະຄອນຫລວງວຽງຈັນໄດ້ຮ່ວມກັນລົງ ຕິດຕາມ ກວດກາ ຍັງພົບເຫັນວ່າ: ມີຮ້ານບັນເທີງຈຳນວນໜຶ່ງຝ່າຝືນສືບຕໍ່ດຳເນີນກິດຈະການຂອງຕົນຢູ່ໂດຍໄດ້ໃຫ້ເຫດຜົນວ່າ ຍັງກຽມຕົວບໍ່ທັນ ແລະ ອີກສ່ວນໜຶ່ງຍັງບໍ່ໃຫ້ການຮ່ວມມືທີ່ດີເທົ່າທີ່ຄວນ, ຊຶ່ງນະຄອນຫລວງຈະຕ້ອງໄດ້ສືບຕໍ່ແກ້ໄຂ.