ບາເຊໂລນາ ຂໍຫລຸດຄ່າເມື່ອຍ ເມສຊີ ໄລຍະວິກິດ..!

ບາເຊໂລນາ ສະໂມສອນດັງຈາກ ລາລີກາ ແອັດສະປາຍ ລວມເຖິງ ລິໂອເນວ ເມສຊີ ໄດ້ເຂົ້າເຈລະຈາກັນ ເພື່ອຂໍຫລຸດຄ່າເມື່ອຍ, ສືບເນື່ອງມາຈາກສະພາບເສດຖະກິດທີ່ຕົກຕໍ່າ ເພາະໄດ້ຮັບຜົນກະທົບຈາກເຊື້ອໄວຣັສໂຄວິດ-19.

ຈາກການລາຍງານຂອງ ມາກ້າ ສື່ໃນປະເທດແອັດສະປາຍໄດ້ໃຫ້ຮູ້ວ່າ: ປັດຈຸບັນ ລາລີກາ ຈັດເປັນໜຶ່ງທີ່ແບກພາລະຈ່າຍຄ່າເມື່ອຍໃຫ້ນັກເຕະສູງທີ່ສຸດໃນລີກບານເຕະເອີຣົບ ໂດຍມີລາຍງານວ່າ ລາລີກາ ຕ້ອງຈ່າຍຄ່າເມື່ອຍໃຫ້ນັກເຕະສະໂມສອນລວມທັງໝົດ 438 ລ້ານປອນຕໍ່ໜຶ່ງລະດູການ.

ຫຼ້າສຸດ ມາກ້າ ລາຍງານໃຫ້ຮູ້ຕື່ມອີກວ່າ: ບັນດາຫົວໜ້າຜູ້ບໍລິຫານ ໄດ້ເຊີນນັກເຕະ ລວມເຖິງທີມງານຄູຝືກປະຊຸມໃນອາທິດຜ່ານມາ ແລະ ຕົກລົງວ່າ ສະໂມສອນຕ້ອງຫລຸດຄ່າເມື່ອຍສໍາລັບນັກເຕະທີ່ໄດ້ຮັບຄ່າເມື່ອຍແພງ ເຊິ່ງມີຜົນຕໍ່ກັບ ເມສຊີ ກອງໜ້າຊາວອາກຊັງຕິນ ແລະ ຊຸບເປີ້ສະຕາຂອງທີມ ທີ່ອາດຕ້ອງຍອມຮັບຄ່າເມື່ອຍຫລຸດລົງ 1,15 ລ້ານປອນ ຕໍ່ອາທິດ ໃນໄລຍະທີ່ລະດູການຖືກເລື່ອນອອກໄປແບບບໍ່ມີກໍານົດ.