Covid-19 ອາດປາກົດຕົວຂຶ້ນຢູ່ອີຕາລີກ່ອນແລ້ວ ຈຶ່ງລະບາດຢູ່ຈີນ
ລູກເມືອງພວນ
ບັນດາທ່ານໝໍ ອີຕາລີ ໃຫ້ຮູ້ວ່າ: ກ່ອນໜ້ານີ້ລະຫວ່າງເດືອນ ພະຈິກ 2019 ໄດ້ພົບເຫັນກໍລະນີຜູ້ຕິດເຊື້ອອັກເສບປອດແປກປະຫຼາດຊະນິດໜຶ່ງ ຊຶ່ງອາດເຂົ້າເຄືອຂ່າຍກັບໄວຣັສ SARS-CoV-2 ກ່ອນພະຍາດດັ່ງກ່າວຈະໄປລະບາດຂຶ້ນຢູ່ຈີນ.
ສຳນັກຂ່າວສານ ສະຫະລັດອາເມລິກາ National Public Radio (NPR) ໂດຍອ້າງອີງ ຄຳຖະແຫຼງການຂອງທ່ານ Giuseppe Remuzziຜູ້ອຳນວຍການໃຫ່ຍຄົ້ນຄ້ວາການຢາ Mario Negri ຂອງ Milan ອີຕາລີວ່າ: “ພວກເຂົາໄດ້ພົບເຫັນກໍລະນີຜູ້ຕິດເຊື້ອອັກເສບປອດທີ່ແປກປະຫຼາດກັບຄົນເຖົ້າຜູ້ໜຶ່ງໃນລະຫວ່າງເດືອນ ທັນວາ ແລະ ໄວກວ່ານັ້ນແມ່ນເດືອນ ພະຈິກ 2019”, ທ່ານ Remuzzi ເວົ້າວ່າ: “ ກໍລະນີດັ່ງກ່າວແມ່ນໝາຍເຖິງ ໄວຣັສໄດ້ເລີ່ມແຜ່ລະບາດຢ່າງໜ້ອຍຢູ່ໃນເຂດ Lombardy (ເຂດພາກເໜືອຂອງອີຕາລີ) ມາກ່ອນແລ້ວ ກ່ອນທີ່ຈະໄປລະບາດຢູ່ຈີນ”.
ບັນດານັກວິທະຍາສາດໃຫ້ຮູ້ວ່າ ຜູ້ຕິດເຊື້ອພະຍາດ ໂຄວິດ-19 ຄົນທຳອິດໃນອີຕາລີແມ່ນຢູ່ລັດ Lombardy ທີ່ໄດ້ໄປຕິດພັນກັບຄົນຈີນໃນທ້າຍເດືອນມັງກອນທີ່ຜ່ານມາ.
ເຖິງຢ່າງໃດກໍຕາມ, ຖ້າຫາກແມ່ນ SARS-CoV-2 ເລີ່ມແຜ່ລະບາດຢູ່ອີຕາລີມາກ່ອນແຕ່ເດືອນ ພະຈິກ 2019 ແທ້ ບັນດານັກວິທະຍາສາດຈະໃຫ້ຄຳສັນນິຖານກ່ຽວກັບໄວຣັສດັ່ງກ່າວນີ້ຕໍ່ໄປ.
