“ລໍເຣນໂຊ ຊານ” ອະດີດປະທານສະໂມສອນ ເຣອັນ ມາດຣິກ ເສຍຊີວິດເພາະເຊື້ອໄວຣັສໂຄວິດ-19

ລໍເຣນໂຊ ຊານ ອະດີດປະທານສະໂມສອນ ຣາຊັນສຸດຂາວ ເຣອັນມາດຣິກ ເສຍຊີວິດເພາະເຊື້ອໄວຣັສໂຄວິດ-19 ດ້ວຍອາຍຸ 76 ປີ ເມື່ອທີ່ 21 ມີນາທີ່ຜ່ານມາ ຫຼັງຈາກເຂົ້າຮັກສາຕົວທີ່ໂຮງໝໍດ້ວຍອາການປ່ວຍໂຄວິດ-19 ແລະ ຍັງມີອາການ ໄຕວາຍແຊກຊ້ອນອີກດ້ວຍ.

ສຳຫຼັບ ລໍເຣນໂຊ ຊານ ເຄີຍເປັນອະດີດນັກເຕະ ເຣອັນ ມາດຣິກ ລະຫວ່າງປີ 1996-1999 ກ່ອນທີ່ຈະກ້າວເຂົ້າສູ່ເປັນປະທານສະໂມສອນດັ່ງກ່າວໃນລະຫວ່າງປີ 1995-2000 ເຊີ່ງໃນຊ່ວງເວລານັ້ນ ຣາຊັນຊຸດຂາວ ສາມາດຄວ້າເເຊ້ມຕ່າງໆໄດ້ 6 ລາຍການ ທີ່ໂດດເດັ່ນທີ່ສຸດຄື ຂັນຢູຟ້າແຊ້ມປ້ຽນລີກ 2 ສະໄໝ ໃນປີ 1998 ແລະ 2000 ໂດຍເເຊ້ມເມື່ອປີ 1998 ຖືວ່າເປັນການຄວ້າແຊ້ມຄັ້ງທຳອິດໃນຮອບ 32 ປີຂອງສະໂມສອນ.

ນອກຈາກນີ້ ສະໄໝທີ່ດຳລົງຕຳແໜ່ງປະທານສະໂມສອນສາມາດຄວ້ານັກເຕະຄົນດັງມາຮ່ວມໄດ້ເຊັ່ນ: ໂຣແບໂຕ ຄາລອສ,ຄາເຣນ ເຊດ໊ອບ ເປັນຕົ້ນ, ກ່ອນທີ່ ລໍເຣນໂຊ ຊານ ຈະເສຍຕໍາແໜ່ງປະທານສະໂມສອນໃຫ້ກັບ ຟໍເຣນຕິໂນເປເຣສ ສຳຫຼັບສະພາບການຫຼ້າສຸດໃນແອດສະປາຍ ມີຍອດຜູ້ຕິດເຊື້ອໄວຣັສໂຄວິດ-19 ຫຼາຍກວ່າ 25.000 ຄົນ ແລະ ເສຍຊີວິດຫຼາຍກວ່າ 1.300 ຄົນ.