ກະຊວງການຕ່າງປະເທດອອກ 5 ມາດຕະການໂຈະການເຂົ້າ-ອອກປະເທດເປັນການຊົ່ວຄາວໃນໄລຍະ 30 ວັນ
ວັນທີ 19 ມີນານີ້, ກະຊວງການຕ່າງປະເທດໄດ້ແຈ້ງໃຫ້ຮູ້ວ່າ: ເພື່ອຕອບໂຕ້ກັບການແຜ່ລະບາດຂອງເຊື້ອຈຸລະໂລກສາຍພັນໃໝ່ ໂຄວິດ-19 ໄປທົ່ວໂລກນັ້ນ, ສປປ ລາວ ໄດ້ຫລຸດຜ່ອນການອອກ ວີຊາ(visa), ໃຫ້ປະເທດຕ່າງໆເພື່ອຫລຸດຜ່ອນຄວາມສ່ຽງກັບການຕິດເຊື້ອໄວຣັດດັ່ງກ່າວຄື: ໂຈະການອອກຊີຊາກັບດ່ານໃຫ້ແກ່ທຸກໆສັນຊາດ, ໂຈະການອອກວີຊາທ່ອງທ່ຽວ, ໂຈະການອອກວີຊາເອເລັກໂທນິກ, ໂຈະການປະຕິບັດຍົກເວັ້ນວີຊາ ສຳລັບ ພົນລະເມືອງຂອງບັນດາປະເທດສະມາຊິກ ອາຊຽນ ແລະ ຂອງປະເທດທີ່ໄດ້ຕົກລົງການຍົກເວັ້ນວີຊາຝ່າຍດຽວ ແລະ ສອງຝ່າຍ ກັບ ສປປ ລາວ ແລະ ການອອກວີຊາສຳລັບຜູ້ທີ່ມີຈຸດປະສົງມາຢ້ຽມຢາມ ສປປ ລາວ, ຖ້າຈຳເປັນຜູ້ມີຈຸດປະສົງ ເດີນທາງມາລາວ,ຕ້ອງໄດ້ຍືນເອກະສານຂໍ້ມູນຄວາມຈິງ ກ່ຽວກັບສຸຂະພາບຂອງຕົນ ແລະ ເອກະສານກ່ຽວຂ້ອງອື່ນໆ ໃຫ້ເຈົ້າໜ້າທີ່ທາງການທູດ ລາວ ທີ່ປະຈຳຢູ່ປະເທດນັ້ນ ເພື່ອຂໍການອະນຸມັດກ່ອນວັນເດີນທາງ, ແຕ່ນັກທ່ອງທ່ຽວທີ່ເດີນທາງມາຮອດ ສປປ ລາວ ໂດຍບໍ່ໄດ້ຮັບການອະນຸມັດຕາມຄວາມຈຳເປັນທີ່ໄດ້ກ່າວມາ ແມ່ນຈະຖືກປະຕິເສດບໍ່ໃຫ້ເຂົ້າສປປລາວໄດ້. ຈົນກ່ວາຈະມີການພິຈາລະນາໃໝ່ຂອງລັດຖະບານໃນເມື່ອສາມາດຄວບຄຸມການແຜ່ເຊື້ອ ໂຄວິດ-19 ໄດ້.
