ຜູ້ຊົມໃຊ້ມືຖື ແລະ ອິນເຕີເນັດໃນລາວມີອັດຕາສ່ວນເພີ່ມຂື້ນ

ລັດຖະມົນຕີ ກະຊວງໄປສະນີ, ໂທລະຄົມມະນາຄົມ ແລະ ການສື່ສານ ໄດ້ຖະແຫລງຂ່າວຕໍ່ສື່ມວນຊົນວ່າ: ໃນຜ່ານມາຂະແຫນງການຂອງຕົນໄດ້ປະກອບສ່ວນຢ່າງຕັ້ງໜ້າໃນການຂັບເຄື່ອນການພັດທະນາເສດຖະກິດ-ສັງຄົມ, ຄື:ໃນປີ 2019 ສາມາດສ້າງລາຍຮັບໄດ້ຫລາຍກ່ວາ 3.660 ຕື້ກີບ, ທຽບໃສ່ປີກ່ອນນັ້ນເພີ່ມຂື້ນ 7%, ອັນໄດ້ປະກອບສ່ວນສຳຄັນເຂົ້າໃນລາຍຮັບແຫ່ງຊາດ ຍ້ອນມີຜູ້ຊົມໃຊ້ມືຖືເພີ່ມຂື້ນ 24% ແລະ ຜູ້ນໍາໃຊ້ອິນເຕີເນັດເພີ່ມຂື້ນ 17%. ສາມາດມອບພັນທະໃຫ້ລັດໄດ້ 745 ຕື້ກ່ວາກີບໃນປີ 2019.ນີ້ແມ່ນ ໝາກຜົນອັນສຳຄັນ ແລະ ພົ້ນເດັ່ນຈາກຄວາມພະຍາຍາມບຸກບືນ ແລະ ເອົາໃຈໃສ່ຂອງຂະແຫນງການ ປທສ .