ອອກກົດພິເສດ..! ເຈລີກ 2020 ມີມະຕິແລ້ວຫຼັງຈາກພົບປັນຫາເຊື້ອໄວຣັສ COVID-19

    ການແຂ່ງຂັນບານເຕະ ເຈລີກ ຢີ່ປຸ່ນ ທີ່ຕ້ອງຢຸດການແຂ່ງຂັນຫຼາຍກວ່າ 1 ເດືອນ ເພື່ອປ້ອງກັນການແຜ່ລະບາດຂອງເຊື້ອໄວຣັສ ໂຄວິດ-19 ໂດຍຫຼ້າສຸດຜົນກອງປະຊຸ່ມຂອງຄະນະກຳມະການບໍລິຫານວິສາມັນ ເຊີ່ງມີມະຕິເບື້ອງຕົ້ນໄດ້ຕັດສິນໃຈໃຊ້ກົດພິເສດໃນລະດູການ 2020 ຈະບໍ່ມີສະໂມສອນໃດຕົກຊັ້ນໃນທຸກລະດັບລີກ (ເຈລີກ,ເຈ2 ແລະ ເຈ3) ຫຼັງມະຕິໃນທີ່ປະຊຸມເຫັນດ້ວຍກັບມາດຕະການນີ້.

 ດັ່ງນັ້ນຈຶ່ງເຮັດໃຫ້ລະດູການ 2021 ໃນການແຂ່ງຂັນບານເຕະເຈລີກຈະມີທັງໝົດ 20 ສະໂມສອນ ແລະ ຄາດວ່າຈະມີສະໂມສອນຕົກຊັ້ນ 4 ທີມດັ່ງນີ້:

• ເຈລີກ:​ ບໍ່ມີທີມຕົກຊັ້ນ
• ເຈ2: ເລື່ອນຊັ້ນອັດໂຕໂນມັດ 2 ທີມ ແລະ ບໍ່ມີທີມຕົກຊັ້ນ
• ເຈ3: ເລື່ອນຊັ້ນອັດໂຕໂນມັດ ແລະ ບໍ່ມີທີມຕົກຊັ້ນ

ສຳຫຼັບການກຳໜົດກັບມາແຂ່ງຂັນໄດ້ໃໝ່ຈະມີການປະກາດອີກຄັ້ງໃນຊ່ວງຕົ້ນເດືອນເມສານີ້.  ພ້ອມດຽວກັນນັ້ນ ທ່ານ ມິດຊຸຣຸ ມຸຣາອິ ປະທານສະມາຄົມບານເຕະເຈລີກ ໄດ້ກ່າວເຖີງເລື່ອງນີ້ວ່າ: ເຮົາໄດ້ມີການເຈລະຈາຫຼາຍຢ່າງໃນກອງປະຊຸມຄະນະກຳມະການບໍລິຫານວິສາມັນ ເຖີງເຫັນບັນນຫາຫຼາຍດ້ານ ແລະ ຕ້ອງແກ້ປັນຫາໃຫ້ໄດ້ ເພື່ອເປັນຜົນປະໂຫຍດໃຫ້ແກ່ທຸກຝ່າຍ.