ໂຄງການ ຄູໂບຕ້າ ປັນນໍ້າໃຈໃຫ້ນ້ອງ

ໃນວັນທີ 6 ມິຖຸນາ ນີ້. ບໍລິສັດ ພີເອັສ ເອັນເຕີເທັນເມັນ ໂຄງການ “ຄູໂບຕ້າ ປັນນໍ້າໃຈໃຫ້ນ້ອງ” ໄດ້ຈັດງານມອບຖົງປື້ມໃຫ້ນັກຮຽນ ເຍົາວະຊົນເຂດຫ່າງໄກສອກຫຼີກ ແລະໃນທຸລະການດານ ສປປ ລາວ. ຊຶ່ງພິທີດັ່ງກ່າວໄດ້ມີຂຶ້ນທີ່ໂຮງຮຽນປະຖົມໝອງບົວທອງໃຕ້, ເມືອງ ສີໂຄດຕະບອງ ນະຄອນຫຼວງວຽງຈັນ, ໂດນການເຂົ້າຮ່ວມຂອງທ່ານ ມີທອງ ສຸວັນວິໄຊ ຫົວໜ້າກົມອະນຸບານ ແລະປະຖົມສຶກສາ, ກະຊວງສຶກສາທິການ ແລະກິລາ, ມີຄູອາຈານ ແລະນ້ອງນັກຮຽນໃນໂຮງຮຽນດັ່ງກ່າວເຂົ້າຮ່ວມເປັນຈໍານວນຫຼາຍ.

ທ່ານ ສົມບູນຈິນຕະນາຜົນ ຜູ້ຊ່ວຍກໍາມະການຜູ້ຈັດການໃຫຍ່ ຜູ້ຈັດການທົ່ວໄປ ສາຍງານຂາຍ ແລະບໍລິການ ບໍລິສັດ ສະຫຍາມຄູໂບຕ້າ ຄໍເປີເຣຊັນ ຈໍາກັດ ໃຫ້ຮູ້ວ່າ: ຈາກຄວາມສໍາພັນຂອງໂຄງການ “KUBOTA ປັນນໍ້າໃຈໃຫ້ນ້ອງ” ໃນໄລຍະ 2 ປີຜ່ານມາ ເຫັນວ່າອຸປະກອນການຮຽນທີ່ໄດ້ມອບໃຫ້ແກ່ນ້ອງໆເຍົາວະຊົນໄປແລ້ວນັ້ນ ໄດ້ປະກອບສ່ວນສໍາຄັນເຂົ້າໃນການ ພັດທະນາສັກກະຍະພາບການຮຽນ ແລະເປັນກໍລັງໃຈໃຫ້ນ້ອງນັກຮຽນ ໃນເຂດຫ່າງໄກສອກຫຼີກ ແລະເຂດອື່ນໆໃນ ລາວ ໄດ້ເປັນຢ່າງດີ. ດັ່ງນັ້ນ ໃນປີນີ້ ບໍລິສັດ ຄູໂບຕ້າ ຈຶ່ງເດີນໜ້າຈັດໂຄງການດັງກ່າວຂຶ້ນອີກເປັນປີທີ 3 ໂດຍໄດ້ຮັບການຮ່ວມມືເປັນຢ່າງດີຈາກກົມອະນຸບານ ແລະປະຖົມສຶກສາ ອຸປະກອນການຮຽນທັງໝົດ 10.000 ຊຸດ, ແລະສສະເພາະເດືອນ ມິຖຸນາ ນີ້ ຄູໂບຕ້າ ໄດ້ມອບຜ່ານກະຊວງສຶກສາທິການ ແລະກິລາໄປແລ້ວ 4.300 ຊຸດ ແລະມອບຜ່ານຮ້ານຄ້າຕົວແທນຈໍາໜ່າຍ ຄູໂບຕ້າອີກ 5.700 ຊຸດ, ລວມເປັນມູນຄ່າ ປະມານ ລ້ານກວ່າບາດ (ສະເພາະເງິນໄທ) ເພື່ອເປັນການຂະຫຍາຍໂອກາດໃຫ້ແກ່ເດັກນ້ອຍ ແລະເຍົາວະຊົນຜູ້ທຸກຍາກຂາດເຂີນແຂວງຕ່າງໆຂອງ ລາວ ໄດ້ຮັບອຸປະກອນການຮຽນຢ່າງທົ່ວເຖິງ ແລະເປັນໂອກາດໃຫ້ເຂົາເຈົ້າມີເງື່ອນໄຂສຶກສາຮໍ່າຮຽນ ແລະພັດທະນາຄຸນນະພາບການສຶກສາດີຂຶ້ນ.

ທ່ານ ຜູ້ຈັດການໃຫຍ່ໃຫ້ຮູ້ອີກວ່າ: ຕະຫຼອດໄລຍະຂອງການດໍາເນີນທຸລະກິດ KUBOTA Lao Sole Co Ltd ໄດ້ເຫັນເຖິງຄວາມສໍາຄັນຂອງການມີສ່ວນຮ່ວມໃນການສົ່ງເສີມ ແລະພັດທະນາເຍົາວະຊົນ ແລະສັງຄົມ ຈຶ່ງໄດ້ຈັດກິດຈະກໍາຕອນແທນສັງຄົມຢ່າງຕໍ່ເນື່ອງ ໂດຍແບ່ງອອກເປັນ 2 ດ້ານຫຼັກຄື: ດ້ານສັງຄົມ ແລະດ້ານການສຶກສາ. ພາຍໃຕ້ຄໍາຂວັນ “KUBOTA ປັນນໍ້າໃຈໃຫ້ນ້ອງ” ແລະໃນໂອກາດນີ້ກໍໄດ້ມອບອຸປະກອນດັ່ງກ່າວໃຫ້ໂຮງຮຽນປະຖົມ ໜອງບົວທອງໃຕ້ ຈໍານວນ 200 %.