WHO ເຜີຍພົບເຈົ້າໜ້າທີ່ 2 ຄົນຕິດໂຄວິດ-19
ອົງການອະນາໄມໂລກ (WHO) ເປີດເຜີຍວ່າ: ເຈົ້າໜ້າທີ່ຂອງ WHO ຈຳນວນ 2 ຄົນຢູ່ສຳນັກງານໃຫຍ່ໃນນະຄອນຫລວງເຈນີວາ ຕິດເຊື້ອໄວຣັສໂຄໂຣນາສາຍພັນໃໝ່ ຫລື ໂຄວິດ-19.
ທ່ານ ຄຣິສຕຽນ ລິນເມເອີ ໂຄສົກ WHO ກ່າວຖະແຫລງຂ່າວທາງວີດີໂອວ່າ: ພວກເຮົາຢືນຢັນວ່າ ເຈົ້າໜ້າທີ່ 2 ຄົນຂອງພວກເຮົາຕິດເຊື້ອໂຄວິດ-19 ແລະ ທັງ 2 ໄດ້ກັບໄປກັກຕົວຢູ່ເຮືອນຂອງຕົນເອງແລ້ວ. ນອກຈາກນີ້ ໄດ້ມີການກວດຫາເຊື້ອໂຄວິດ-19 ກັບເພື່ອນຮ່ວມງານຢູ່ສຳນັກງານທຸກຄົນ ແລະ ກຳລັງລໍຖ້າຜົນກວດຢູ່.
ໃນອາທິດຜ່ານມາ WHO ຕັດສິນໃຈຈະຈັດຖະແຫລງຂ່າວກ່ຽວກັບໂຄວິດ-19 ຜ່ານທາງວີດີໂອເທົ່ານັ້ນ ຫລັງຈຳນວນຜູ້ຕິດເຊື້ອໂຄວິດ-19 ຢູ່ສະວິດຍັງເພີ່ມຂຶ້ນຢ່າງຕໍ່ເນື່ອງ.
ສຳນັກຂ່າວຊິນຮົວລາຍງານວ່າ: ສຳນັກງານໃຫຍ່ຂອງ WHO ຖືເປັນອົງການຫລ້າສຸດທີ່ມີການແຜ່ລະບາດຂອງໂຄວິດ-19 ຫລັງຈາກກ່ອນໜ້ານີ້ມີການກວດພົບຜູ້ຕິດເຊື້ອໂຄວິດ-19 ຢູ່ສຳນັກງານສະຫະປະຊາຊາດ (UN) ແລະ ອົງການການຄ້າໂລກ (WTO) ໃນນະຄອນຫລວງເຈນີວາມາແລ້ວ.
