IMF ກຽມປ່ອຍກູ້ 1 ຕື້ໂດລາ ໃຫ້ປະເທດເຫຍື່ອໂຄວິດ-19
ກອງທຶນການເງິນສາກົນ (IMF) ກຽມປ່ອຍກູ້ 1 ຕື້ໂດລາ ຊ່ວຍເຫລືອບັນດາປະເທດທີ່ໄດ້ຮັບຜົນກະທົບຈາກການລະບາດຂອງໂຄວິດ-19.
IMF ລະບຸວ່າ: ພ້ອມຈະປ່ອຍເງິນກູ້ 1 ຕື້ໂດລາ ເພື່ອໃຫ້ການຊ່ວຍເຫລືອປະເທດຕ່າງໆທົ່ວໂລກທີ່ໄດ້ຮັບຜົນກະທົບຈາກການແຜ່ລະບາດຂອງໂຄວິດ-19.
“ໃນຖານະທີ່ເປັນດ່ານທຳອິດໃນແນວປ້ອງກັນ IMF ສາມາດໃຊ້ເງິນຈາກກອງທຶນສຸກເສີນທີ່ມີຄວາມຫົດຢືດໃນການຊ່ວຍເຫລືອປະເທດຕ່າງໆທີ່ມີຄວາມຕ້ອງການຮີບດ່ວນໃນດ້ານດູນການຊຳລະເງິນ” ທ່ານ ນາງ ຄຣິສຕາລິນາ ຈໍຈີວາ ຜູ້ອຳນວຍການ IMF ກ່າວ.
ພ້ອມເນັ້ນວ່າ: ປັດຈຸບັນ IMF ກຽມເຮັດຂໍ້ຕົກລົງ 40 ສະບັບ ທັງສຳລັບການເບີກຈ່າຍ ແລະ ກະກຽມລ່ວງໜ້າ ລວມເປັນເງິນປະມານ 2.000 ລ້ານໂດລາ ເຊິ່ງການກະກຽມເຫລົ່ານີ້ຈະເປັນອີກເຄື່ອງມືໜຶ່ງສຳລັບການເບີກຈ່າຍເງິນກູ້ຢ່າງວ່ອງໄວໃນໄລຍະເກີດວິກິດການ.
