ຄວາມລັບຂອງຜູ້ຊາຍ ທີ່ຜູ້ຍິງຄວນຮູ້
- ສາວໆຫຼາຍຄົນເຄີຍນຶກສົງໄສວ່າ ຄວາມຈິງແລ້ວ ຜູ້ຊາຍມີຄວາມລັບອັນໃດແດ່ທີ່ລັກເຊື່ອງຊ້ອນໄວ້ທາງໃນ? ນັບທັງເລື່ອງຂອງການກະທຳ ແລະ ຄວາມຮູ້ສຶກຕ່າງໆ. ວັນນີ້ຈຶ່ງຂໍນຳເອົາເລື່ອງລັບໆ ຂອງຜູ້ຊາຍມາເລົ່າຕໍ່ ເພື່ອໃຫ້ສາວໆ ເຂົ້າອົກເຂົ້າໃຈຜູ້ຊາຍຫຼາຍຂຶ້ນ.
2. ຜູ້ຊາຍບາງຄົນມັກຈະສະແດງຄວາມຮູ້ສຶກຂອງຕົນຜ່ານການກະທຳຫຼາຍກ່ວາຄຳເວົ້າ ແລະ ອີກອັນໜຶ່ງເຂົາອາດຈະເວົ້າບໍ່ເກັ່ງກໍເລີຍຢາກເຮັດອັນໃດອັນໜື່ງທີ່ໃຫ້ສາວໆມີຄວາມສຸກ ແລະ ຮູ້ສຶກວ່າມັນມີດີຫຼາຍກວ່າຄຳເວົ້າອອກມາໂດຍກົງ ກໍເລີຍບອກວ່າຮັກດ້ວຍການ ລົງມືເຮັດອາຫານໃຫ້ກິນ, ຊວນໄປເບິ່ງໜັງ ແມ່ນແຕ່ບີບເສັ້ນບີບເອັນໃຫ້. ການເຮັດແບບນີ້ຈະເຮັດໃຫ້ສາວໆຫຼົງໄຫຼໃນຄວາມຮັກຫຼາຍຂຶ້ນ.
3. ຜູ້ຊາຍໃຫ້ຄວາມສຳຄັນກັບການແຕ່ງງານຫຼາຍກວ່າ ເພາະກວ່າທີ່ຈະແຕ່ງງານ ພວກເຂົາຕ້ອງໃຊ້ເວລາໃນການຕັດສິນ ແລະ ແນ່ໃຈທີ່ສຸດ ວ່າ ເຈົ້າຄືທີ່ແມ່ນແລ້ວສຳລັບເຂົາ ແລະ ຜ່ານການສຳຫຼວດຜູ້ຊາຍທີ່ແຕ່ງງານ ມີເມຍຢູ່ໃນປັດຈຸບັນ 90% ບອກວ່າ: ຖ້າພວກເຂົາຕ້ອງແຕ່ງງານອີກຄັ້ງ ເຂົາກໍຈະເລືອກເຈົ້າສາວຄົນເກົ່າ ເມື່ອໃດກໍຕ້ອງແມ່ນເຈົ້າຢູ່ໃນໃຈຕະຫຼອດເວລາ.
4. ຜູ້ຊາຍສ່ວນຫຼາຍມັກຈະເຮັດກິດຈະກຳຮ່ວມກັບຄົນຮັກ ຫຼາຍກວ່າທີ່ເວົ້າ, ຄິດ ຫຼື ໃຊ້ຄວາມຮູ້ສຶກເພາະການທີ່ເຮົາໃຊ້ເວລາເຮັດອັນໃດອັນໜຶ່ງຮ່ວມກັນຈະເຮັດໃຫ້ຄວາມສຳພັນແໜ້ນແຟ້ນຍິ່ງຂຶ້ນ ແມ່ນແຕ່ການຫຼິ້ນເກມ, ໄປເບິ່ງໜັງ, ໄປຫຼິ້ນໄປທ່ຽວນຳກັນ ເພາະຈະໄດ້ໃກ້ສິດກັນນັ້ນເອງ.
