ໂຮງໝໍຊົ່ວຄາວອູຮັ່ນ ທ່າແຮງມະຫັດສະຈັນຂອງລະບອບສັງຄົມນິຍົມຈີນ

ໂຮງໝໍຊົ່ວຄາວ “ຟາງຊາງ” ທີ່ນະຄອນອູຮັ່ນ ສປຈີນ ໄດ້ປິດການນຳໃຊ້ທັງໝົດແລ້ວ, ຫມາຍວ່າວຽກງານຕ້ານກັບການແຜ່ລະບາດ COVID-19 ຂອງຈີນໄດ້ຮັບໄຊຊະນະເປັນໄລຍະໆມາ.

ອາດເວົ້າໄດ້ວ່າ, ການສ້າງໂຮງໝໍຊົ່ວຄາວ “ຟາງຊາງ” ຢູ່ນະຄອນອູຮັ່ນເປັນການປະດິດສ້າງໃໝ່ຢ່າງໜຶ່ງ ໃນການຕ້ານກັບການແຜ່ລະບາດຂອງພະຍາດCOVID-19 ຢູ່ໃນຈີນຄັ້ງນີ້ ແລະ ໃນໄລຍະນັ້ນ, ສະພາບການແຜ່ລະບາດຂອງພະຍາດຢູ່ນະຄອນອູຮັນຂ້ຽວຂາດທີ່ສຸດ, ຈຳນວນຜູ້ຕິດເຊື້ອໄດ້ເພີ່ມຂຶ້ນຢ່າງວ່ອງໄວ, ແຕ່ພັດຂາດເຂີນຊັບພະຍາກອນການແພດເປັນຈຳນວນຫຼາຍ, “ຕຽງນອນຄົນເຈັບ” ກໍບໍ່ພຽງພໍ, ບໍ່ສາມາດຮອງຮັບຜູ້ຕິດເຊື້ອເຂົ້າມາປິ່ນປົວໄດ້ທັງໝົດ. ຜູ້ປ່ວຍໄດ້ເຄື່ອນໄຫວຢູ່ຕາມຄຸ້ມຊຸມຊົນແລະສັງຄົມເປັນຈຳນວນຫຼວງຫຼາຍ ໄດ້ເຮັດໃຫ້ຜູ້ເປັນພະຍາດເສຍໂອກາດໃນການປິ່ນປົວ ແລະ ອີກດ້ານໜຶ່ງຍັງເຮັດໃຫ້ເກີດມີຄວາມສ່ຽງໃຫ້ພະຍາດແຜ່ລະບາດອອກເປັນວົງກວ້າງ. ໃນໄລຍະຫົວລ້ຽວຫົວຕໍ່ດັ່ງກ່າວ, ສູນກາງພັກກອມມູນິດຈີນໄດ້ຕັດສິນໃຈໃຊ້ມາດຕະການທີ່ສຳຄັນ ໂດຍໃຫ້ສ້າງໂຮງໝໍຊົ່ວຄາວ “ຟາງຊາງ”. ໂດຍໄດ້ດັດແປງສະໜາມກິລາໃນຮົ່ມ ແລະ ສູນວາງສະແດງຫຼາຍແຫ່ງໃຫ້ກາຍເປັນໂຮງໝໍຊົ່ວຄາວ “ຟາງຊາງ” ໄດ້ຢ່າງວ່ອງໄວ ແລະ ສາມາດແກ້ໄຂບັນຫາການຂາດເຂີນຕຽງນອນຄົນເຈັບ ແລະ ສາມາດຮັບຜູ່ປ່ວຍເຂົ້າປິ່ນປົວໄດ້ໃນເວລາອັນສັ້ນໆ.

ວັນທີ 3 ກຸມພາຜ່ານມາ, ນະຄອນອູຮັ່ນໄດ້ເລີ່ມລົງມືກໍ່ສ້າງໂຮງໝໍຊົ່ວຄາວແຫ່ງທຳອິດນີ້ ແລະ ມາຮອດວັນທີ 27 ເດືອນດຽວກັນ, ໃນໂຮງໝໍດັ່ງກ່າວໄດ້ປະກົດມີຕຽງຫວ່າງໄວ້ສຳລັບຜູ້ປ່ວຍ. ຊຶ່ງລວມແລ້ວ, ນະຄອນອູຮັ້ນໄດ້ສ້າງໂຮງໝໍຊົ່ວຄາວ “ຟາງຊາງ” 16 ແຫ່ງໂດຍມີທີມແພດ 94 ທີມຈາກບັນດາເຂດ, ແຂວງຂອງຈີນໄດ້ເຂົ້າປະຈຳການ ແລະ ໄດ້ສ້າງເລື່ອງມະຫັດສະຈັນ ທີ່ໄດ້ຮັບການປິ່ນປົວຜູ້ປ່ວຍ 12 ພັນກວ່າຄົນ, ຈໍານວນຜູ້ຕິດເຊື້ອພະຍາດເປັນສູນ, ຈໍານວນຜູ້ເສຍຊີວິດເປັນສູນ ແລະ ບໍ່ມີຜູ້ທີ່ຫາຍຂາດແລ້ວກັບຄືນມາປິ່ນປົວອີກ.

ເລື່ອງມະຫັດສະຈັນດັ່ງກ່າວໄດ້ເຕັມໄປດ້ວຍສີສັນພິເສດ ແລະ ສະຕິປັນຍາແບບຈີນ, ໄດ້ສ່ອງແສງໃຫ້ເຫັນເຖິງການວິນິດໄສທີ່ຖືກຕ້ອງ ແລະ ການຕັດສິນໃຈໃຊ້ມາດຕະການຢ່າງເດັດຂາດຂອງການນຳຈີນໃນການຕໍ່ຕ້ານກັບການແຜ່ລະບາດຂອງພະຍາດ, ໄດ້ສ່ອງແສງໃຫ້ເຫັນເຖິງຄວາມສາມັກຄີເປັນຈິດໜຶ່ງໃຈດຽວກັນຂອງປະຊາຊົນໃນທົ່ວປະເທດ ແລະ ນ້ຳໃຈວັດທະນະທຳຂອງຈີນຄື: “ຝ່າຍໜຶ່ງພົບຄວາມຫຍຸ້ງຍາກ ທຸກຝ່າຍຈະໃຫ້ການຊ່ວຍເຫຼືອ” ທີ່ໄດ້ສືບທອດມາແຕ່ບູຮານນະການ.

ຈາກບໍ່ມີ ມາສູ່ມີ, ຈາກມີ ມາສູ່ຄວາມເປັນໄປດ້ວຍດີ, ພຽງແຕ່ 30 ກວ່າວັນເທົ່ານັ້ນ ໂຮງໝໍຊົ່ວຄາວກໍໄດ້ເຮັດສຳເລັດໜ້າທີ່ຂອງຕົນ, ທັງໝົດນີ້ລ້ວນແຕ່ໄດ້ສ່ອງແສງໃຫ້ເຫັນເຖິງທ່າແຮງຂອງລະບອບສັງຄົມນິຍົມຈີນ ແລະ ກໍຄືເຄັດລັບທີ່ໂຮງໝໍຊົ່ວຄາວ “ຟາງຊາງ” ຂອງຈີນໄດ້ດຳເນີນງານໄປດ້ວຍດີ ໃນສະຫນາມຮົບຕ້ານກັບການແຜ່ລະບາດຂອງພະຍາດຮ້າຍແຮງນີ