ປ້ອງກັນໂຄວິດລາວສັ່ງປິດດ່ານຜ່ານແດນລະດັບທ້ອງຖິ່ນ ແລະ ປະເພນີກັບ ສສ ຫວຽດນາມ 24 ແຫ່ງເປັນການຊົ່ວຄາວ

ໃນບົດລາຍງານມາດຕະການເຝົ້າລະວັງ ແລະ ປ້ອງກັນການລະບາດຂອງ ໂຄວິດ-19, ຂອງຄະນະສະເພາະກິດຕ້ານການລະບາດດັ່ງກ່າວ, ໃຫ້ຮູ້ວ່າ: ເພື່ອເພິ່ມທະວີການສະກັດກັ້ນ ແລະ ປ້ອງກັນການແຜ່ລະບາດຂອງ ໂຄວິດ – 19ນີ້,ລາວໄດ້ຕົກລົງກັບປະເທດເພືອບ້ານ ສສ ຫວຽດນາມທີ່ມີການລະບາດຂອງພະຍາດດັ່ງກ່າວປິດດ່ານຜ່ານແດນລະດັບທ້ອງຖິ່ນ ແລະ ປະເພນີກັບ ສສ ຫວຽດນາມເປັນການຊົ່ວຄາວ ຈຳນວນ 24 ແຫ່ງຄື: ແຂວງຫົວພັນ ມີ 10 ແຫ່ງ,ສະຫວັນນະເຂດມີ 4 ແຫ່ງ,ບໍລິຄຳໄຊມີ 2 ແຫ່ງ, ເຊກອງ 4 ແຫ່ງ ແລະ ແຂວງ ອັດຕະປື ມີ 4 ແຫ່ງ, ຍ້ອນຂາດພະນັກງານວິຊາການ ແລະ ອຸປະກອນການແພດທີ່ຈຳເປັນໃນການກວດກາຄັດຕອງຜູ້ເຂົ້າມາຜ່ານຊາຍແດນດັ່ງກ່າວ, ສ່ວນດ່ານສາກົນ ທີ່ສປປລາວມີຮ່ວມກັບປະເທດອ້ອມຂ້າງນັ້ນແມ່ນໄດ້ເພິ່ມທະວີການກວດກາຄັດກອງຜູ້ຜ່ານແດນຢ່າງເຂັ້ມງວດ.