16 ມາດຕະການເຂັ້ມງວດຂອງຈີນສູ້ໂຄວິດ-19 ຈາກຈຸດຮ້າຍແຮງສູ່ຈຸດຜ່ານພົ້ນວິກິດ

    ມາດຕະການຄວບຄຸມ ແລະ ປ້ອງກັນການແຜ່ລະບາດເຊື້ອໄວຣັສໂຄວິດ-19 ທີ່ເຂັ້ມງວດຈິງຈັງຂອງ ສປ ຈີນ, ໂດຍສະເພາະສ້າງໂຮງໝໍຮອງຮັບປິ່ນປົວ ແລະ ແຈກຢາຍຜ້າອັດປາກ-ອັດດັງໃຫ້ປະຊາຊົນໂດຍບໍ່ເສຍຄ່າ ເພື່ອຕໍ່ສູ້ “ໂຄວິດ-19” ຈົນສາມາດຜ່ານພົ້ນຊ່ວງລະບາດໜັກ ແລະ ຜ່ານພົ້ນວິກິດ ເຮັດໃຫ້ໃນຂະນະນີ້ສະຖານະການໃນ ສປ ຈີນ ດີຂຶ້ນຢ່າງຕໍ່ເນື່ອງ,ໂດຍແບ່ງມາດຕະການອອກເປັນ 16 ຂໍ້ດັ່ງນີ້:

1. ສປ ຈີນ ອອກມາດຕະການໃຫ້ປະຊາຊົນສາມາດຍົກເລີກການຈອງຖ້ຽວບິນ ຫລື ທຣົ່ວການທ່ອງທ່ຽວທີ່ກຳລັງຈະອອກຈາກອູຮັ່ນ ແລະ ທຣົ່ວທີ່ກຳລັງເດີນທາງມາອຸຮັ່ນ.
2. ສປ ຈີນອອກຄ່າປິ່ນປົວໃຫ້ທຸກໆຢ່າງສຳລັບຜູ້ຕິດເຊື້ອ
3. ທາງການຂອງອູຮັ່ນຂໍຄວາມຮ່ວມມືສະຖາບັນສຶກສາເອກະຊົນ ແລະ ເພີ່ມນະໂຍບາຍຄືນເງິນ ຫລື ສອນທົດແທນເນື່ອງຈາກຍົກເລີກການຮຽນ-ການສອນຊົ່ວຄາວໃນຊ່ວງລະບາດ
4. ຕິດຕັ້ງເຄື່ອງວັດອຸນຫະພູມຂອງຮ່ງກາຍຕາມສະຖານທີ່ຕ່າງໆ
5. ໜ່ວຍງານຄວບຄຸມການຈະລາຈອນເມືອງອູຮັ່ນ, ອອກລະບຽບກວດຄົ້ນທ້າຍລົດທຸກຄັນວ່າມີສັດ ຫລື ສິ່ງທີ່ມີຊີວິດຢູ່ໃນລົດຫລືບໍ່ ເພື່ອປ້ອງກັນການແຜ່ລະບາດຈາກສັດສິ່ງທີ່ມີຊີວິດດັ່ງທີ່ຄາດວ່າເປັນຕົ້ນເຫດຂອງການແຜ່ລະບາດເຊື້ອໃນຄັ້ງນີ້
6. ສັ່ງປິດເມືອງອູຮັ່ນ ແລະ ເມືອງອື່ນໆໃນແຂວງຫູເປີ່ຍ ເພື່ອກັກກັນ-ຢຸດການແຜ່ເຊື້ອໄວຣັສ
7. ທາງການຈີນປະກາດສັ່ງປິດບໍລິສັດທ່ອງທ່ຽວ ແລະ ຜູ້ບໍລິການທາງອອນໄລຢຸດຂາຍແພັກເກັດປີ້ເຮືອບິນ-ໂຮງແຮມ
8. ທາງເມືອງອູຮັ່ນອອກປະກາດໃຫ້ໜ່ວຍງານທີ່ກ່ຽວຂ້ອງລົງພື້ນທີ່ໃຫ້ຮ້ານຂາຍຢາໃນເມືອງເປີດບໍລິການປົກກະຕິ ເພື່ອໃຫ້ປະຊາຊົນຫາຊື້ຢາ ແລະ ອຸປະກອນປ້ອງກັນຕົນເອງ ແລະ ບໍ່ໃຫ້ຂຶ້ນລາຄາ
9. ຊ່ວງທີ່ລະບາດໜັກໆ ທາງການຈີນໄດ້ປັບກົດເກນການນັບ ແລະ ວິເຄາະຜູ້ຕິດເຊື້ອເປັນແບບໃໝ່ສຳລັບແຂວງຫູເປີ່ຍ, ພື້ນທີ່ລະບາດໜັກ ໂດຍປັບເປັນ “ຜູ້ຕ້ອງສົງໄສ” ທີ່ມີອາການບົ່ງຊີ້ທາງຄລີນິກວ່າຕິດເຊື້ອທີ່ເປັນ Clinically diagnosed ໃຫ້ເປັນ “ຜູ້ຕິດເຊື້ອ” ເພື່ອຫລຸດຄວາມສ່ຽງໃນການແພ່ເຊື້ອ
10. ອອກມາດຕະການແຈກເງິນລາງວັນໃຫ້ມີຕັ້ງແຕ່ 500 ຢວນ ຫາ 10.000 ຢວນ ເມື່ອມີລາຍງານຕໍ່ທາງການວ່າມີອາການສົງໄສຕິດເຊື້ອ ແລະ ຖ້າຫາກກວດພົບວ່າຕິດເຊື້ອແທ້ກໍໄດ້ຮັບເງິນໄປເລຍ
11. ເລື່ອນມື້ພັກວັນກຸດຈີນ, ໃຫ້ບໍລິສັດພັກວຽກ ເພີ່ມເປັນ 1 ອາທິດ ແລະ ຫລາຍກວ່ານັ້ນໃນພື້ນທີ່ແຂວງຫູເປີ່ຍ ເພື່ອຫລຸດການແພ່ເຊື້ອ, ຕິດເຊື້ອ ແລະ ຫລາຍບໍລິສັດມີນະໂຍບາຍໃຫ້ເຮັດວຽກຢູ່ເຮືອນ
12. ລັດຖະບານ ສປ ຈີນ ແລະ ລັດຖະບານທ້ອງຖິ່ນ ວາງມາດຕະການຕ່າງໆ ເພື່ອຊ່ວຍໃຫ້ໃນປະເທດຈີນມາຜ້າອັດປາກ-ອັດດັງພຽງພໍໃຊ້ໃນຊ່ວງທີ່ລະບາດໜັກຄື: ແຈກຢາຍຜ້າອັດປາກ-ອັດດັງຟຣີຕາມຈຸດຕ່າງໆ ໂດຍບໍ່ຕ້ອງຜ່ານການລົງທະບຽນຜ່ານ WeChat ແລະ ໄປຮັບເອົາຕາມຮ້ານຂາຍຢາທີ່ລະບຸໄວ້
13. ທາງການຈີນ ຮ່ວມມືກັບສື່ຈີນ ໃຫ້ຂໍ້ມູນຜູ້ຕິດເຊື້ອລວມທັງເສັ້ນທາງການເດີນທາງຂອງຜູ້ຕິດເຊື້ອວ່າໄປໃສ-ມາໃສ ພ້ອມບອກລາຍງະອຽດເຊັ່ນ: ເລກຫ້ອງທີ່ພັກ-ໂຮງແຮມ, ເລກຖ້ຽວບິນ ຫລື ຖ້ຽວລົດໄຟ
14. ຕັ້ງແຕ່ຊ່ວງທຳອິດຂອງການລະບາດໃນທ້າຍເດືອນມັງກອນ, ກະຊວງການເງິນຂອງຈີນໄດ້ຈັດແບ່ງງົບປະມານເລັ່ງດ່ວນ 4.4 ພັນລ້ານຢວນໃນການປ້ອງກັນ ແລະ ຄວບຄຸມການແພ່ລະບາດເຊື້ອໄວຣັສດັ່ງກ່າວໃຫ້ໃນທົ່ວຈີນ, ໃນນັ້ນສະເພາະແຂວງຫູເປີ່ຍ (ລວມເມືອງອູຮັ່ນ) 500 ລ້ານຢວນ
15. ສົ່ງທີມແພດໝໍທົ່ວຈີນ, ທັງແພດປົກກະຕິ ແລະ ແພດທະຫານ ລວມທັງບຸກຄະລາກອນທາງການແພດອື່ນໆເຂົ້າໄປຊ່ວຍເມືອງອູຮັ່ນ ແລະ ແຂວງຫູເປີ່ຍ ໃນພື້ນທີ່ລະບາດໜັກ ພ້ອມທັງສ້າງໂຮງໝໍພິເສດ 2 ແຫ່ງ ເພື່ອຮອງຮັບຜູ້ຕິດເຊື້ອ COVID-19  ລວມທັງຫ້ອງອອກກຳລັງກາຍ, ຕືກຈັດລຽງສິນຄ້າ, ຫໍປະຊຸມທົ່ວເມືອງ ເອົາມາເປັນໂຮງໝໍເພື່ອໃຫ້ມີຕຽງສຳລັບຜູ້ຕິດເຊື້ອພຽງພໍ
16. ເຖິງແມ່ນວ່າມີກະແສຈຳນວນບໍ່ໜ້ອຍທີ່ເບິ່ງວ່າຈີນປິດຂ່າວ, ແຕ່ຖ້າໃຜໄດ້ຕິດຕາມຂ່າວ ຈະເຫັນໄດ້ວ່າທັງສູນກາງ ແລະ ເມືອງຕ່າງໆຈະມີການລາຍງານຂ່າວຜູ້ຕິດເຊື້ອທຸກມື້ ລວມທັງການຖະແຫລງຂ່າວຂອງໜ່ວຍງານສາທາລະນະສຸກ ແລະ ຜູ້ຊ່ຽວຊານ ພ້ອມໜ່ວຍງານກ່ຽວຂ້ອງອີກດ້ວຍ.