ແຟນສາວທີ່ເຄີຍເປັນແມ່ຮ້າງ

ຂ້ອຍເປັນຊາຍອາຍຸເຄິ່ງຄົນ(36 ປີ), ເຄີຍໄດ້ຜ່ານຄວາມຮັກມາພໍສົມຄວນ, ອາດຈະເປັນຍ້ອນບູນວາດສະໜາບໍ່ທັນເຖິງ ຈຶ່ງບໍ່ທັນມີເຮືອນຮັງທີ່ອົບອຸ່ນເປັນຂອງຕົນເອງ.

ປັດຈຸບັນຂ້ອຍກຳລັງເປັນແຟນກັບສາວຄົນໜຶ່ງ ຊຶ່ງໄດ້ຮູ້ຈັກກັບເຂົາເນື່ອງໃນໂອກາດໄປວຽກຕ່າງແຂວງ. ເຂົາເປັນຄົນດີ ມີນິໄສຖືກໃຈຂ້ອຍສົມຄວນ, ແຕ່ມີບັນຫາດຽວເທົ່ານັ້ນທີ່ຍັງເຮັດໃຫ້ຂ້ອຍບໍ່ສາມາດຈະຕັດສິນໃຈໄປກັບເຂົາຈົນເຖິງຄວາມສຸກ ເພາະເຂົາເຄີຍເປັນແມ່ຮ້າງມາກ່ອນ ແລະ ເຂົາກໍມີລູກໜຶ່ງຄົນ ອາຍຸ 4 ປີແລ້ວ.

ເມື່ອຮັກກັບເຂົາຂ້ອຍກໍບໍ່ໄດ້ຄິດຫຍັງຫຼາຍ ເພາະເຂົາເປັນຄົນດີ ແລະ ກໍຖືກໃຈຂ້ອຍແລ້ວ ແລະ ກໍຄິດຢູ່ສະເໝີວ່າຈະຈູງແຂນນາງເຂົ້າງານວິວາໃນອະນາຄົດ, ຂ້ອຍຈຶ່ງໄດ້ພານາງໄປສະເໜີຕໍ່ພໍ່ແມ່. ເບື້ອງຕົ້ນທຸກຄົນກໍຍິນດີຊື່ນຊົມນຳ ແລະ ຍັງບອກໃຫ້ຂ້ອຍຮີບຟ້າວແຕ່ງງານກັບເຂົາໂດຍໄວ. ແຕ່ໃນເມື່ອພໍ່ແມ່ຮູ້ວ່າ ເຂົາເຄີຍມີຄອບຄົວເທື່ອໜຶ່ງກ່ອນແລ້ວ ພໍ່ແມ່ກໍບໍ່ພໍໃຈ ຈຶ່ງຈົ່ມເວົ້າ ແລະ ຈະບໍ່ສົນໃຈກັບຂ້ອຍຖ້າຫາກຍັງພົວພັນກັບເຂົາຕໍ່ໄປ, ມີຄັ້ງໜຶ່ງຜິດກັບພໍ່ແມ່ຢ່າງແຮງ ຈົນເຖິງຂັ້ນວ່າພໍ່ແມ່ໄລ່ຂ້ອຍໜີອອກຈາກເຮືອນ ແລະ ທັງປະກາດວ່າ ຈະບໍ່ເປັນລູກ ເປັນພໍ່ ເປັນແມ່ຕື່ມອີກຖ້າຫາກຍັງພະຍາຍາມຈະເອົາເຂົາ.

ເມື່ອຕົກຢູ່ໃນສະຖານະການແບບນັ້ນ,  ຂ້ອຍຈະເຮັດແນວໃດດີ ຖ້າຈະປະເຂົາ ເຂົາກໍບໍ່ໄດ້ມີຄວາມຜິດຫຍັງ ແລະ ອີດູຕົນເຂົາ. ພໍ່ແມ່ພະຍາຍາມຂັດຂວາງ ຖ້າຈະສືບຕໍ່ຂ້ອຍຢ້ານເປັນລູກກະຕັນຍູ. ຈຶ່ງຂໍຄຳແນະນຳຈາກເພື່ອນຜູ້ອ່ານທັງຫຼາຍດ້ວຍ./.