ລະບາດໜັກ…! ນັກເຕະເຊວຊີຄົນຫຼ້າສຸດທີ່ຕິດເຊື້ອໄວຣັສ COVID-19

    ຕາມການລາຍງານຂອງສຳນັກຂ່າວຕ່າງປະເທດໃຫ້ຮູ້ວ່າ: ວັນທີ່ 13 ມີນານີ້ ຄັນລັມ-ໂອດອຍ ນັກເຕະຄົນສຳຄັນຂອງ ສິງໂຕນ້ຳເງີນເຊວຊີ ທີມດັງໃນພຣີເມຍລີກອັງກິດ ກາຍເປັນນັກກີລາຄົນຫຼ້າສຸດທີ່ຕິດເຊື້ອໄວຣັສCOVID-19, ຈາກທີ່ ຄັນລັມ-ໂອດອຍ ເລີ່ມມີອາການໄຂ້ຕັ້ງແຕ່ວັນຈັນທີຜ່ານມາ.

    ເມື່ອອາການເປັນເຊັ່ນນັ້ນ ທາງແພດກໍ່ໄດ້ກວດຮ່າງກາຍແລ້ວພົບວ່າເປັນຜົນບວກ ນັ້ນກໍ່ສະແດງວ່າ ຄັນລັມ-ໂອດອຍ ຕິດເຊື້ອໄວຣັສ COVID-19, ຕ້ອງຖືກກັກຕົວ,ຮັກສາ ແລະ ຕິດຕາມອາການ, ເພື່ອຫຼີກລ້ຽງການເເຜ່ເຊື້ອສູ່ຄົນອື່ນ.

    ພາຍຫຼັງຮັບຮູ້ວ່ານັກເຕະຂອງເຊວຊີຕິດເຊື້ອໄວຣັສດັ່ງກ່າວທາງສະໂມສອນກໍ່ໄດ້ສືບສວນວ່ານັກເຕະຜູ້່ຕິດເຊື້ອນັ້ນໄດ້ໄປແຕະເນື້ອຕ້ອງຕົວກັບຄົນໃດແນ່ ເພື່ອກວດຫາເຊື້ອໄວຣັສດັ່ງກ່າວ. ນອກຈາກທີ່ພັກນັກກີລາທີ່ໄດ້ຢູ່ຮ່ວມກັນກັບ ຄັນລັມ-ໂອດອຍ ທາງສະໂມສອນເຊວກໍ່ໄດ້ປິດພື້ນທີ່ທັງ      ໝົດລວມໄປເຖີງ ສະໜາມຊ້ອມ,ສະໜາມແຂ່ງຂັນຂອງທີມ ແລະ ພື້ນທີ່ອື່ນໆທີ່ກ່ຽວຂ້ອງ

    ສຳຫຼັບສະພາບການໄວຣັສ COVID-19 ໃນປະເທດອັງກິດ ຂະນະນີ້ກຳລັງຕົກຢູ່ໃນວິກິດການຂອງເຊື້ອໄວຣັສດັ່ງກ່າວ ໂດຍມີຜູ້ຕິດເຊື້ອໄປແລ້ວກວ່າ 590 ຄົນ ແລະ ເສຍຊີວິດໄປແລ້ວ 10 ຄົນ, ຫຼ້າສຸດກໍ່ຄື ຄັນລັມ-ໂອດອຍ ນັກເຕະຂອງເຊວຊີກາຍເປັນຄົນໃນວົງການບານເຕະຫຼ້າສຸດ ທີ່ຕິດເຊື້ອ