ຢືມຂໍ້ອ້າງວ່າໄປກວດເຊື້ອໄວຣັສ ໂຄວິດ-19 ເພື່ອເລື່ອນວັນຂຶ້ນສານ

ລູກເມືອງພວນ

ທະນາຍຄວາມ ຫາຂໍ້ອ້າງວ່າ ຈຳເລີຍ Mike Blakely , ອາຍຸ 69 ປີກຳລັງໄປກວດເຊື້ອໄວຣັສ ຈຶ່ງຂໍເລື່ອນການຂຶ້ນສານອອກໄປ.

ໂດຍພຶດຕິກຳດັ່ງກ່າວ, ວັນທີ 7 ມີນາຜ່ານມາ, ທະນາຍຄວາມຈຶ່ງຖືກຜູ້ພິພາກສາສານໃນເມືອງ Limestone ລັດ Alabama ສະຫະລັດ ຕຳນິວິຈານວ່າ: “ບໍ່ມີຄວາມຮັບຜິດຊອບ, ຖືເບົາ ແລະ ບໍ່ມີຄວາມເປັນທຳໃຫ້ທຸກຝ່າຍ”. ນັ້ນຄືຖ້ອຍທຳນອງຂອງຜູ້ພິພາກສາສານເມື່ອເວົ້າເຖິງໄວຣັສໂຄວິດ-19 . ໃນຂະນະດຽວກັນ ທີ່ທຸກຄົນສາມາດລວມກັນໄດ້ໂດຍຜ່ານທາງໂທລະສັບ ເພື່ອບໍ່ສ້າງຄວາມແຕກຕື່ນໃຫ້ຜູ້ອື່ນ.

ຈຳເລີຍ Mike Blakely ອາຍຸ 69 ປີ ມີແຜນຈະຂຶ້ນໃຫ້ການຕໍ່ສານໃນວັນທີ 9 ມີນາ ກ່ຽວກັບການລັກ ແລະ ລ່ວງລະເມີດຂໍ້ກຳນົດກ່ຽວກັບຄຸນສົມບັດ. ວັນທີ 6 ມີນາຜ່ານມາ ທະນາຍຄວາມຂອງຈຳເລີຍໄດ້ຍື່ນຄຳຮ້ອງເພື່ອຂໍເລື່ອນວັນໃຫ້ການຕໍ່ສານອອກໄປວ່າ: “ຈຳເລີຍຖືກບົ່ງມະຕິພະຍາດວ່າ ເປັນພະຍາດທາງເດີນຫາຍໃຈຊຸດໂຊມ ແລະ ກຳລັງນອນປິ່ນປົວຢູ່ໂຮງໝໍ ເພື່ອກວດເບິ່ງເຊື້ອໄວຣັສ ໂຄໂຣນາ”.

ໃຫ້ການມື້ຕໍ່ມາ, ທ່ານໝໍໃນຫ້ອງສຸກເສີນທີ່ເປັນພະຍານໃຫ້ການວ່າ: Mike ບໍ່ໄດ້ມີອາການຫຍັງເລີຍທີ່ຈະຕ້ອງໄດ້ກວດຫາເຊື້ອໄວຣັສ ມີແຕ່ກວດພະຍາດໄຂ້ຫວັດ influenza ທຳມະດາ ແລະ ບໍ່ໄດ້ເປັນຜົນບວກແຕ່ຢ່າງໃດເລີຍ. ເຖິງຢ່າງໃດກໍດີ, ນີ້ ເປັນຄັ້ງທີ 3 ທີ່ ໄມ ໄດ້ໄປຫ້ອງສຸກເສີນດ້ວຍພະຍາດຊໍ້າເຮື້ອທາງເດີນຫາຍໃຈ ຈຶ່ງໄດ້ນອນໂຮງໝໍເພື່ອຕິດຕາມຈັກຊົ່ວໄລຍະໜຶ່ງ.

ພາຍຫຼັງຄຳໃຫ້ການຂອງທ່ານໝໍ, ຜູ້ພິພາກສາສານ ຈຶ່ງໄດ້ເລື່ອນວັນຂຶ້ນສານອອກໄປອີກໜຶ່ງສັບປະດາ ແລະ ໄດ້ອອກຄຳສັ່ງໃຫ້ປິດຄະດີໄວ້ກ່ອນ.

Mike Blakely ເປັນຫົວໜ້າເຈົ້າໜ້ທີ່ຕຳຫຼວດຕະຫຼອດ 36 ປີຜ່ານມາຂອງເມືອງ Limestoneລັດ  Alabama. ປີ 2019 ຜູ້ກ່ຽວຖືກດຳເນີນຄະດີ ດ້ວຍຫຼາຍຂໍ້ຫາ ເຊັ່ນ: ລັດໂລບເອົາເງິນລວມ, ສວຍໃຊ້ໜ້າທີ່ຕຳແໜ່ງ, ຢືມເງິນທີ່ບໍ່ມີດອກເບ້ຍ ແລະ ດູດເອົາເງິນຂອງພະນັກງານຂອງຕົນເອງ.