ເລື່ອນການແຂ່ງຂັນ NBA ກະທັນຫັນ ຫຼັງພົບນັກກີລາຕິດເຊື້ອໄວຣັສ COVID-19

ການແຂ່ງຂັນກີລາ NBA ຂອງສະຫະລັດອາເມຣິກາ ປະກາດເລື່ອນການແຂ່ງຂັນເມື່ອວັນທີ 11 ມີນາທີ່ຜ່ານມາ, ແບບກະທັນຫັນຫຼັງກວດພົບວ່ານັກກີລາຕິດເຊື້ອໄວຣັສ COVID-19.

            ຕາມການລາຍງານຂອງສຳນັກຂ່າວຕ່າງປະເທດໃຫ້ຮູ້ວ່າ:​ ການແຂ່ງຂັນກີລາບານບ້ວງ NBA ລະຫວ່າງຄູ່ ຢູທາ ແຈ໊ດ ພົບກັບ ໂອກາໂຮມາ ຊີຕີ້ທັນເດີ້, ເຊີ່ງເກມການແຂ່ງຂັນຄູ່ນີ້ໄດ້ຖືກເລື່ອນໄປເພາະມີນັກກີລາຂອງທີມ ຢູທາ ເເຈ໊ດ ຕິດເຊື້ອໄວຣັສ COVID-19

          ພ້ອມນີ້ NBA ໄດ້ສັ່ງເລື່ອນເກມການແຂ່ງຂັນວັນທີ່ 12 ມີນາທັງໝົດ ຈົນກວ່າຈະມີຄຳສັ່ງແຈ້ງໃຫ້ຮັບຮູ້ອີກຄັ້ງ ໂດຍທາງ NBA ຈະໃຊ້ຊ່ວງເວລາທີ່ເລື່ອນການແຂ່ງຂັນນີ້ ກຽມປ້ອງກັນ ແລະ ຮັບມືການແຜ່ລະບາດຕໍ່ເຊື້ອໄວຣັສດັງກ່າວ.