ແຕກຕື່ນທັງທີມ…! ມີນັກເຕະຢູເວນຕຸສຕິດເຊື້ອໄວຣັສ COVID-19

ຕາມການລາຍງານຂອງສຳນັກຂ່າວຕ່າງປະເທດໃຫ້ຮູ້ວ່າ: ສະໂມສອນບານເຕະ ຢູເວນຕຸສ ທີມດັງໃນລີກເຊເຣອາອີຕາລີ ໄດ້ອອກມາຖະແຫຼງຢືນຢັນວ່າ ດານິເອເລ່ ຣູການີ ກອງຫຼັງຄົນເກັ່ງຂອງທີມຖືກກວດພົບວ່າຕິດເຊື້ອໄວຣັສ COVID-19

ເມື່ອວັນທີ່ 11 ມີນາທີ່ຜ່ານມານີ້ ສົ່ງຜົນໃຫ້ນັກເຕະໃນທີມ ແລະ ຄະນະຕ້ອງຖືກກັກຕົວ,ຕິດຕາມອາການ ເນື່ອງຈາກທັງໝົດໃນທີມໄດ້ລົງເຝິກຊ້ອມຮ່ວມກັນ, ທາງສະໂມສອນຢູເວນຕຸສ ໃນຂະນະນີ້ກຳລັງດຳເນີນການຄັດເເຍກ ບຸກຄົນໃດທີ່ມີການຕິດຕໍ່ກັບລາວໃນຊ່ວງເວລາທີ່ຜ່ານມາຕ້ອງຖືກກັກຕົວເພື່ອຕິດຕາມອາການ

    ປັດຈຸບັນບານເຕະ ເຊເຣອາ ອີຕາລີ ຈະຕ້ອງຢຸດການແຂ່ງຂັນໄປຈົນເຖີງວັນທີ່ 3 ເມສານີ້