ນັກວິທະຍາສາດເຊື່ອວ່າ “Covid-19” ຈະແຜ່ລະບາດຂ້າມປີ, ເພາະວ່າເຊື້ອໄວຣັດມັກອາກາດເຢັນ

ນັກວິທະຍາສາດຮົງກົງບອກໃຫ້ເຮົາຮູ້ວ່າ : ການລະບາດຂອງພະຍາດ Covid-19 ອາດຈະແກ່ຍາວໄປເຖີງປີຫນ້າ ແລະ ສະຖານທີ່ການລະບາດອາດຈະປ່ຽນໄປ, ຊຶ່ງການວິໃຈຂອງຈີນບອກວ່າ “Covid-19” ມັກອາກາດເຢັນ

ເວັບໄຊທ໌ South China Morning Post ໃນຮົງກົງລາຍງານໃນວັນທີ 8 ມີນານີ້ ໄດ້ອ້າງເຖິງງານວິໃຈຂອງສາດສະດາຈານ Yuen Kwok-yung ນັກວິທະຍາສາດຈຸລິນຊີຈາກມະຫາວິທະຍາໄລຮົງກົງເຊື່ອວ່າສະຖານະການແຜ່ລະບາດຂອງໄວຣັດຈະບໍ່ຢູດຕິໃນທ້າຍປີ 2020 ແລະ ລາວຍັງເຊື່ອວ່າ ພື້ນທີ່ການແຜ່ລະບາດຈະຮຸນແຮງຂຶ້ນຕື່ມ. ສະນັ້ນ ລັດຖະບານແຕ່ລະປະເທດຕ້ອງປັບມາດຕະການໃຫ້ແທດເໝາະ ກັບສະພາບການໃນແຕ່ລະໄລຍະໂດຍໄວ.

ສາດສະດາຈານ Yuen Kwok-yung ແນະນຳ ວ່າ : ວິທີດີທີ່ສຸດໃນການປ້ອງກັນພະຍາດດັ່ງກ່າວ ແມ່ນການຮັກສາສຸຂະອະນາໄມຂອງຕົນເອງເຊັ່ນ: ລ້າງມືໃຫ້ສະອາດ. ພ້ອມທັງຫລີກລ້ຽງການເດີນທາງໄປສະຖານທີ່ຕ່າງໆຖ້າບໍ່ຈຳເປັນ

ຈາກການຄົ້ນຄົ້ວວິໃຈຂອງມະຫາວິທະຍາໄລ Sun Yat-Sen ໃນແຂວງ Guangdong ຂອງຈີນ. ເຊິ່ງເກັບກຳຂໍ້ມູນອັດຕາຄົນເຈັບທົ່ວໂລກແຕ່ວັນທີ 20 ມັງກອນ ຫາ ວັນທີ 4 ກຸມພາ ແລະ ວິເຄາະຜົນພົບວ່າ: ອຸນຫະພູມສະເລ່ຍທີ່ເຊື້ອໄວຣັສ Corona 2019 ແຜ່ກະຈາຍໄດ້ດີທີ່ສຸດແມ່ນຕໍ່າກວ່າ 8,2 ອົງສາເຊ ແຕ່ຖ້າຫາກອຸຫະພູມສູງກວ່ານີ້ເຊື້ອໄວຣັດຈະອ່ອນແອ ແລະ ມີອັດຕາແຜ່ເຊື້ອຕ່ຳ