ມຽນມາຈະຢຸດສົ່ງອອກໄມ້ທ່ອນ ແລະ ຜະລິດຕະພັນໄມ້

    ສະມາຄົມ​ຜູ້​ຜະລິດ​ປ່າ​ໄມ້​ມຽນມາລາ​ຍງານ​ວ່າ: ມຽນມາ​ຈະ​ຢຸດ​​ສົ່ງ​ອອກ​ໄມ້​ທ່ອນ ​ແລະ ​ຜະລິດ​ຕະພັນ​ໄມ້ ນັບ​​ແຕ່​ວັນ​ ທີ 1 ພຶດສະພາ​ປີ​ນີ້ເປັນ​ຕົ້ນ​ໄປ.ທ່ານ ​ໂຊ​ວິນ ​ເລຂາທິການ​ສະມາຄົມ​ດັ່ງກ່າວ​ ກ່າວ​ວ່າ: ເນື່ອງ​ຈາກ​ຂາດ​​ເຂີນ​ວັດຖຸ​ດິບ​,​ ແຕ່​ໄມ້​ທ່ອນ​ທີ່​ຄວນນຳ​​ໃຊ້​ ພາຍ​ໃນ​ປະ​ເທດ​ນັ້ນ​ພັດ​ສົ່ງ​ອອກ​ຕ່າງປະ​ເທດ ​ເຊິ່ງຈະ​​ເຮັດໃຫ້​​ຂາດ​​ເຂີນໄມ້ທ່ອນ ​ໂດຍປັດຈຸບັນ​ຕ້ອງ​ພິຈາລະນາ​ຄວາມ​ ຕ້ອງການ​ພາຍ​ໃນ​ປະ​ເທດ​ເປັນ​ບູລິ​ມະ​ສິດ.

ການ​ທີ່​ວັດຖຸ​ດິບ​ຫລຸດລົງ​ ແລະ  ​ຄ່າ​ໃຊ້​ຈ່າຍ​ເພີ່ມ​ຂຶ້ນ, ​ການ​ສົ່ງ​ອອກໄມ້​ທ່ອນ​ ແລະ​ ຜະລິດ​ຕະພັນ​ໄມ້​ຂອງ​ມຽນມາ​ ໄດ້​ຫຼຸດລົງ​ທຸກ​ປີ​ ເນື່ອງ​ຈາກ​ຖືກ​​ຈຳກັດ​ຈາກກະຊວງ​ຊັບພະຍາກອນ ​ແລະ ​ການ​ອະນຸລັກ​ສິ່ງ​ແວດ​ລ້ອມ ​ໂດຍນັບ​ແຕ່​ປີ 2015 ​ເປັນ​ຕົ້ນມາ, ມຽນມາ​ໄດ້​ເລີ່​ມຫຼຸດການ​ສົ່ງອອກ​ໄມ້​ທ່ອນ​ ແລະ ​ຜະລິດ​ຕະພັນ​ໄມ້​ ເພື່ອ​ຕອບ​ສະໜອງ​ຄວາມຕ້ອງ  ການ​ພາຍ​ໃນ​ປະ​ເທດ​ ແລະ ​ເລີ່​ມ​ແຕ່​ວັນ​ທີ 1 ພຶດສະພາ 2017 ​ເປັນ​ຕົ້ນ​ໄປ​ຈະ​ຢຸດ​ການ​ສົ່ງອອກ​ໄມ້​ທ່ອນ ​ແລະ​ ຜະລິດ ​ ຕະພັນ​ໄມ້.