ທໍາລາຍສິນຄ້າຫ້າມນໍາເຂົ້າ (ປະເພດຜັກ) ເກືອບ 1 ໂຕນ
ເຊົ້າວັນທີ 6 ມີນານີ້ ພະແນກຕໍາຫຼວດປ້ອງກັນເສດຖະກິດ ແລະ ການຄ້າ ນະຄອນຫລວງວຽງຈັນ ໄດ້ທໍາລາຍສິນຄ້າຫ້າມນໍາເຂົ້າ ປະເພດພືດຜັກ ລວມມີນໍ້່າໜັກທັງໝົດ 950 ກິໂລກຣາມ,ຈາກການລັກລອບນຳເຂົາມາຈາກປະເທດເພື່ອນບ້ານ.
ຮອງຫົວໜ້າພະແນກຕໍາຫຼວດປ້ອງກັນເສດຖະກິດໃຫ້ຮູ້ວ່າ: ພາຍຫລັງໄດ້ຮັບລາຍງານຈາກປະຊາຊົນ ວ່າ: ມີລົດຕູ້ສະຕາແລັກຄັນຫນຶ່ງລັກລອບແກ່ສິນຄ້າປະເພດພືດຜັກ ຈາກປະເທດເພື່ອນບ້ານ, ກຳລັງມຸ່ງໜ້າມາທາງ 450 ປີ. ເຈົ້າຫນ້່າທີ່ຈິ່ງໄດ້ຮີບຮ້ອນລົງສະກັດກັ້ນ
ແລະ ກວດກາພົບເຫັນສິນຄ້າຫ້າມນຳເຂົ້າດັ່ງກ່າວ ມີ:ກະລໍ່າປີ 50 ຖົງ/10 ກິໂລ, ຜັກບົວ 8 ຖົງ /10 ກິໂລ, ຜັກກາດຂາວ 20 ຖົງ/10 ກິໂລ, ໝາກບວບ 10 ກະຕ່າ/17 ກິໂລ ທີ່ບໍ່ມີເອກະສານອະນຸຍາດນຳເຂົ້າຈາກພາກສ່ວນກ່ຽວຂ້ອງໃດໆ. ດັ່ງນັ້ນ, ເຈົ້າໜ້າທີ່ ຈຶ່ງໄດ້ນຳເອົາລົດຄັນດັ່ງກ່າວພ້ອມຜູ້ຕ້ອງຫາ ຂຶ້ນຫ້ອງການຕຳຫຼວດ ປກສ ນວ ເພື່ອກວດກາ ແລະ ດຳເນີນການສືບສວນ-ສອບສວນຕາມລະບຽບກົດຫມາຍ.
ການທໍາລາຍສິນຄ້າດັ່ງກ່າວກໍ ເພື່ອປົກປ້ອງຜູ້ຜະລິດພາຍໃນ ແລະ ຜູ້ບໍລິໂພກໃຫ້ມີຄວາມປອດໄພ.
