“ເຟສບຸກ” ປິດສຳນັກງານລອນດອນ-ສິງກະໂປ ເພາະ “ໂຄວິດ-19”
ເຟສບຸກປິດສຳນັກງານຢູ່ນະຄອນຫລວງລອນດອນ ແລະ ປິດພື້ນທີ່ສ່ວນໜຶ່ງຂອງຫ້ອງການຢູ່ສິງກະໂປ ຫລັງພະນັກງານຄົນໜຶ່ງຢູ່ສິງກະໂປຕິດເຊື້ອໄວຣັສໂຄໂຣນາສາຍພັນໃໝ່ ແລະ ເດີນທາງໄປສາຂາຂອງບໍລິສັດຢູ່ອັງກິດນຳອີກ.
Facebook is to close it's London office after an employee based in Singapore visited between 24-26 Feb. They have since been diagnosed with Covid-19.
The central London offices will be closed for deep cleaning and employees will be working from home.https://t.co/tyXzRBUCKW pic.twitter.com/Ju78bbGRqc
ບໍລິສັດເຟສບຸກປະກາດປິດພື້ນທີ່ບາງສ່ວນຂອງສຳນັກງານ ເຊິ່ງຕັ້ງຢູ່ອາຄານມາຣີນາວັນ ໃນພາກພື້ນເຊັນທຣັລຂອງສິງກະໂປ ນັບແຕ່ວັນທີ 6-13 ມີນານີ້ “ເພື່ອເຮັດຄວາມສະອາດຄັ້ງໃຫຍ່” ໂດຍໃຫ້ພະນັກງານທຸກຄົນເຮັດວຽກຢູ່ເຮືອນ ເນື່ອງຈາກໜຶ່ງໃນພະນັກງານບໍ່ສະບາຍຈາກການຕິດເຊື້ອໄວຣັສໂຄໂຣນາສາຍພັນໃໝ່ “ໂຄວິດ-19”. ປັດຈຸບັນ ສິງກະໂປມີຜູ້ຕິດເຊື້ອໄວຣັສໂຄໂຣນາສາຍພັນໃໝ່ຢ່າງໜ້ອຍ 130 ຄົນ, ປິ່ນປົວດີແລ້ວ 82 ຄົນ ແລະ ຍັງບໍ່ມີຜູ້ເສຍຊີວິດ.
ຂະນະທີ່ສຳນັກງານຂອງເຟສບຸກຢູ່ນະຄອນຫລວງລອນດອນ ຂອງສະຫະຣາຊະອານາຈັກ ປິດໃຫ້ບໍລິການຊົ່ວຄາວນັບແຕ່ວັນທີ 6-9 ມີນານີ້ “ເພື່ອເຮັດຄວາມສະອາດຄັ້ງໃຫຍ່” ເຊັ່ນກັນ ຫລັງມີການຢືນຢັນວ່າພະນັກງານຢູ່ສິງກະໂປ ເຊິ່ງບໍ່ສະບາຍດ້ວຍໂຣກໂຄວິດ-19 ເດີນທາງມາສຳນັກງານຢູ່ລອນດອນ ລະຫວ່າງວັນທີ 24-26 ກຸມພາຜ່ານມາ.
ທັງນີ້ ບຸກຄົນທີ່ສຳຜັດໂດຍກົງ ແລະ ໃກ້ຊິດກັບພະນັກງານຊາວສິງກະໂປຄົນນີ້ຂໍໃຫ້ກັກຕົວເອງເປັນເວລາ 14 ວັນ ເພື່ອເຝົ້າລະວັງນຳອີກ. ປັດຈຸບັນ ສະຫະຣາຊະອານາຈັກມີຜູ້ປ່ວຍຈາກໂຣກໂຄວິດ-19 ແລ້ວ 164 ຄົນ, ປິ່ນປົວດີແລ້ວຢ່າງໜ້ອຍ 8 ຄົນ, ແຕ່ເສຍຊີວິດແລ້ວ 2 ຄົນ.
ນອກຈາກນີ້ ເຟສບຸກ “ຂໍການຮ່ວມມື” ພະນັກງານຢູ່ ສ.ເກົາຫລີ ແລະ ອິຕາລີ ໃຫ້ເຮັດວຽກຢູ່ເຮືອນ ເຊັ່ນດຽວກັບພະນັກງານຢູ່ເມືອງຊານຟຣານຊິສໂກ ໃນລັດກາລິຟໍເນຍ ຂອງອາເມລິກາ, ສ່ວນສຳນັກງານຢູ່ເມືອງຊຽງໄຮ້ “ປິດເຮັດວຽກແບບບໍ່ມີກຳນົດ” ມາໄລຍະໜຶ່ງແລ້ວ ຈາກການທີ່ຈີນເປັນປະເທດທີ່ພົບຜູ້ເສຍຊີວິດ ແລະ ຜູ້ປ່ວຍຈາກໂຣກໂຄວິດ-19 ຫລາຍທີ່ສຸດ.
